Asusun ba da lamuni na duniya (IMF), ya fitar da sabon rahoton hasashen tattalin arzikin duniya a jiya 8 ga watan Yuli, inda ya dan rage hasashen bunkasar tattalin arzikin duniya na bana, sannan ya kara hasashen bunkasar tattalin arzikin Sin zuwa kashi 4.6%.
Asusun IMF ya yi hasashen cewa, tattalin arzikin duniya a shekara ta 2026 zai bunkasa da kashi 3%, wanda ya ragu da kashi 0.1% idan aka kwatanta da hasashen watan Afrilu. Wannan shi ne karo na biyu da asusun ya rage hasashen bunkasar tattalin arzikin duniya a bana, bayan da ta rage shi da kashi 0.2% a watan Afrilu. IMF ya bayyana cewa, wannan raguwar ta samo asali ne daga mummunan tasirin yakin Gabas ta Tsakiya, amma ci gaban da ake samu a fannin fasahar AI ya dan rage mummunan tasirin wannan yaki.
A yayin da aka rage hasashen bunkasar tattalin arzikin duniya gaba daya, Sin na daya daga cikin kasashe kalilan da aka yi hasashen karuwar bunkasar tattalin arzikinsu. Rahoton IMF ya bayyana cewa, ci gaban tattalin arzikin Sin ya zarce yadda ake tsammani, kuma babban dalilin hakan shi ne kyawawan ayyukan masana’antar fasaha ta Sin, da fitar da kayayyakin da ke da nasaba a wannan bangare zuwa kasashen waje. (Amina Xu)
