Gwamnan Jihar Kano, Abba Kabir Yusuf, ya ƙara ƙaimi wajen jan hankalin tsohon gwamna kuma tsohon ɗan takarar shugaban ƙasa na shekarar 2011, Ibrahim Shekarau, domin ya dawo jam’iyyar APC, a yayin da ake ci gaba da sauye-sauyen siyasa a jihar.
Yanayin siyasa a Kano ya sauya matuƙa bayan Gwamna Yusuf ya fice daga jam’iyyar NNPP zuwa APC.
- Iran Ta Ƙi Amincewa Da Batun Tsagaita Wuta Tsakaninta Da Amurka Da Isra’ila
- ’Yan Bindiga Sun Kashe Mutane Da Dama Tare Da Ƙone Ƙauyuka A Kebbi
Shima mai gidan Gwamnan, Sanata Rabiu Musa Kwankwaso ba a barshi a baya ba, ya sauya sheka daga NNPP zuwa jam’iyyar ADC.
Bayan waɗannan sauye-sauye, Nasir Gawuna, babban abokin hamayyar Yusuf a zaɓen gwamna na ƙarshe, ya bar APC ya koma ADC, inda Rabiu Musa Kwankwaso ya tarbe shi da kansa.
Bayan dawowarsa daga Abuja, an ruwaito cewa Gwamna Yusuf ya aika da saƙo mai ƙarfi ga ɓangaren ADC, inda ya ce: “Ba za su taɓa samun nasara a Kano ba. Mutanenmu sun san wanda ke wakiltar su da gaske.”
ADVERTISEMENT
Discussion about this post