Ɗan wasan baya na Manchester United Harry¹ Maguire, ya sake sabon kwantiragi da ƙungiyar bayan ya amince zai ci gaba da zama na tsawon kakar wasa ɗaya tare da zaɓin ƙarin shekara ɗaya.
Kwantiragin ɗan wasan dai zai ƙare ne a ƙarshen wannan kakar, sai dai bayan tattaunawa tare da amincewa da rage albashinsa ƙungiyar ta ƙara masa shekara ɗaya kuma zai ci gaba da zama har zuwa ƙarshen kakar wasa ta 2026 zuwa 2027.
- Arsenal Ta Samu Ƙwarin Gwiwar Buga Gasar Zakarun Turai Bayan Dawowar ‘Yan Wasanta Biyu
- Gwamna Abba Na Ƙoƙarin Jawo Hankalin Shekarau Zuwa APC
Maguire ya koma Manchester United ne daga Leceister City a shekara ta 2019 a kan kudi fam miliyan 80 wanda ya sa a lokacin ya zama ɗan wasan baya mafi tsada.
Ɗan wasan bayan na Ingila ya taimakawa Manchester United ta lashe gasar cin kofin Carabao da FA Cup a tsawon zamansa na shekara bakwai a ƙungiyar.
A tsawon zaman da ya yi a Manchester United, Maguire ya buga wasanni 266 tare da zura ƙwallaye 17.
