“Gwamnonin APC Ku Kwana Da Sanin Cewa Ba Zan Ce Uffan Ba A Zaben 2023” — Buhari

Shugaban kasa Muhammadu Buhari a ranar Talata ya shaidawa gwamnonin jihohi da ‘ya’yan jam’iyyarsa ta APC cewa, gwamnatinsa ba za ta tsoma baki ba a zaben 2023.

Mai magana da yawun shugaban kasa, Femi Adesina ne ya fitar da sanarwar jim kadan bayan tattaunawar da Gwamnonin jam’iyyar APCn sukayi da Shugaba Buhari a wata ziyara da suka kaimasa a fadar gwamnati dake Abuja a ranar Talata.

• Buhari Zai Sake Ciyo Bashin N11trn Don Cike Gibin Kasafin Kudin 2023

A cewar Adesina, Buhari ya shaida wa gwamnonin cewa rashin tsoma baki a zabe yana tabbatar da tsarin siyasa, yana tabbatar da Gaskiya da adalci da nutsuwa acikin masu zabe, sannan kuma ya nuna cewa jam’iyya mai mulki na mutunta masu zabe.

Shugaban ya ce zaben gwamnoni da aka gudanar a Anambra da Ekiti da kuma Osun ya burge shi, inda ya ce bai tsoma baki ba.

APC ta sha kaye a zaben gwamna a Anambra da Osun amma ta samu nasara a Ekiti.

“Ina so ’yan Nijeriya su sani cewa muna girmama su, kuma za mu ba su damar zaben wanda suke so.” Inji Buhari.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi