Dan takarar shugaban kasa a karkashin inuwar jam’iyyar APC, Bola Tinubu ya bayyana cewa yanzu haka ya tare a Abuja, Babbar Birnin Tarayya.
Tinubu ya bayyana wa takwaransa dan takarar shugaban kasa na PDP, Atiku Abukakar lokacin da suka hadu a filin jirgin saman Nnamdi Azikiwe da ke Abuja.
- Masu Cutar Sikari Na Fuskantar Karin Kudin Magani Da Kashi 200
- 2023: Da BVAS Da IReV Za Mu Yi Amfani Wajen Tattara Sakamakon Zabe – INEC
Shugaban jam’iyyar APC, Abdullahi Adamu tare da tsohon dan takarar shugaban kasa na PDP, Mohammed Hayatudeen suna filin jirgin saman da Tinubu da kuma Atiku lokacin da suka hadu.
An dai yi wannan haduwa ne a lokacin da Tinubu yake kan hanyarsa ta zuwa garin Jos, Babbar Birnin Jihar Filato domin fara gudanar da yakin nemanzabe, yayin da Atiku ke kan hanyarsa ta zuwa Jihar Legas.
Lokacin ganawar, dukkan ‘yan takarar shugaban kasan sun yi musabaha da juna, inda tsohon mataimakin shugaban kasa ya bukaci Tinubu da ya dawo jiharsa, amma daga baya ya fada masa cewa ai shi ya riga ya tare a Abuja.
Ya dai sake tambayarsa ko zai koma Legas?
Sai Tinubu ya amsa masa da cewa shi ya riga ya koma Abuja.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
