INEC Ta Amince Da David Mark A Matsayin Shugaban ADC

Hukumar Zaɓe Mai Zaman Kanta ta Ƙasa (INEC), ta amince da David Mark a matsayin shugaban jam’iyyar ADC. 

Wannan ya biyo bayan sake sauya shugabancin jam’iyyar kafin zaɓen 2027.

• Sin Za Ta Kafa Yankin Kare Muhallin Halittu Na Huangyan Dao
• Yadda Ambaliyar Ruwa Ta Tafi Da Yaya Da Ƙannuwa Da Wasu A Zaria

David Mark yanzu shi ne shugaban riƙon ƙwarya, yayin da tsohon gwamnan Osun, Rauf Aregbesola, ya zama Sakataren jam’iyyar na Ƙasa.

Wasu manyan mutane da suka haɗa da tsohon gwamnan Edo, Oserheimen Osunbor, a matsayin Lauyanta na Ƙasa; Ibrahim Mani a matsayin Ma’aji; da Akibu Dalhatu a matsayin Sakataren Kuɗi.

‘Yan adawa sun zaɓi jam’iyyar ADC a matsayin dandamalin siyasa a ranar 2 ga watan Yuli, 2025, domin fafatawa a zaɓen shugaban ƙasa da sauran zaɓuka na 2027.

Mark ya ce haɗakarsu na da burin “ceto Nujeriya, gina dimokuraɗiyya”.

Manyan ‘yan siyasa a haɗakar sun haɗa da Atiku Abubakar, Peter Obi, Nasir El-Rufai, Rotimi Amaechi, Dino Melaye, Solomon Dalong.

Sauran sun haɗa da Dele Momodu, Gabriel Suswam, Ireti Kingibe, Emeka Ihedioha, da Air Marshal Sadique Abubakar (ritaya).