Harkokin zirga-zirga da na tattalin arzikin sun samu karin karfi a Abuja, babban birnin Nijeriya, bayan kaddamar da wani muhimmin babban titi dake yankin kudancin birnin a jiya Talata. Titin wanda kamfanin CGC na kasar Sin ya gina, ya tashi daga titin zagaye mai hade da shatale-tale na Ring Road I zuwa irinsa na Ring Road II. Ana sa ran sabon titin zai rage cunkosa da tsadar kudin mota da inganta hade manyan gundumomin birnin.
Yayin kaddamar da titin, shugaban Nijeriya Bola Tinubu, ya bayyana aikin a matsayin gagarumi da aka aiwatar karkashin ajandar gwamnatinsa ta raya ababen more rayuwa.
Shugaba Tinubu wanda ya samu wakilcin shugaban majalisar dattawan kasar Godswill Akpabio, ya ce titin zai taimaka wajen samar da damarmakin tattalin arziki ga birnin ta hanyar inganta zirga-zirga da samar da damarmakin kasuwanci da inganta rayuwar mazauna. (Fa’iza Mustapha)
