Wani magidanci da yake da ‘ya’ya bakwai, ya sake haihuwar wasu ‘ya’ya hudu rigis a lokaci guda, duk da allurer tazarar haihuwa da matarsa ta yi.
Mijin mai suna Christopher Agbo na zaune da wannan matar ta sa ce, a unguwar Sabonn-Tasha, Gwagwa da ke yankin Abuja. Matar ta haihu ne ranar Talata a wani asibiti mai zaman kansa da ke Kubwa, Abuja.
A tattaunawarsa da majiyarmu, Mista Chridtopher ya ce shi dan asalin karamar hukumar Ado ne da ke jihar Biniwai, ya ce, bayan Allah ya azurta shi da samun ‘ya’ya guda biyar, sai suka yi shawara da matarsa cewa, ya kamata su sanu tazarar haihuwa, amma da yake kaddara ta rika fata, duk da allurer tazarar haihuwar da ya yi wa matar, sai ga shi ta samu juna-biyu, wadda kuma cikin ikon Allah ashe babban rabo ne, wadda ta haifi ‘ya’ya hudu rigis.
Mista Agbo, ya ce, ya yi mamakin wannan haihuwa, domin shi da kansa ya raka matar ta sa asibiti, aka yi mata allurer tazarar haihuwa, amma sai ga shi, bayan tazar ba ta samu ba, an haifa masa ‘ya’ya hudu a lokaci guda.
Agbo ya ci gaba da cewa, bayan kamar wata uku da yin wannan allura, sai suka fahimci kamar ba ta aiki, don haka sai matar ta kara da sayo wasu kwayoyin tazarar haihuwar, amma duk da haka, sai da ta samu ciki, wadda a halin yanzu kuma ta haifi ‘ya’ya hudu.
A karshe, majiyar ta mu, ta ziyarci babban asibitin Kubwa, inda wannan mata ta haihu, kuma ta tabbatar da cewa, dukkan ‘ya’yan da ta haifa suna lafiya, kuma likitocin na ci gaba da kula wa da su tare da mahaifiyar ta su.
Discussion about this post