Kasa da awanni 72 da kai farmaki kan dogarawan Shugaban kasa a yankin Bwari da ke Abuja, Shugaban kasa Muhammadu Buhari yanzu haka na ganawar gaggawa da hafsoshin tsaro a ranar Alhamis.
Ganawar wacce ke gudana a fadar shugaban kasa ta kunshi Shugaban ma’aikatar fadar shugaban kasa, Farfesa Ibrahim Gambari; babban mai bai wa Shugaban kasa shawara kan lamuran tsaro, Major Gen. Babagana Monguno (rtd); Shugaban hukumar tsaro, General Lucky Irabor; Shugaban sojin kasa, Lt. Gen. Farouk Yahaya; Shugaban sojin ruwa, Vice Admiral Awwal Gambo; da kuma Shugaban sojin saman Air Marshal Isiaka Oladayo Amao.
- Buhari Ya Gaji, Ya Kamata Ya Koma Gida Ya Huta Kawai – Elumelu
- Ya Kamata Makusanta Buhari Su Ba Shi Shawarar Yin Murabus —Hakeem
Sauran sun hada da daraktan hukumar tsaron farin kaya, Yusuf Bichi; Antoni Janar kuma ministan shari’a, Abubakar Malami, SAN, da kuma sakataren Gwamnatin tarayya Boss Mustapha, da sauran masu ruwa da tsaki.
