Mutane Da Dama Sun Mutu A Wani Hatsarin Mota Da Ya Afku A Kogi

Mutane da dama da ba a tabbatar da adadinsu ba sun mutu sakamakon wani hatsari a kan babbar hanyar Lokoja zuwa Abuja a cikin garin Koton Karfe na jihar Kogi.

Ya zuwa lokacin da ake wannan rahoto, wata motar daukar kaya da wasu motocin bas biyu da wata motar kasuwanci guda daya ta kone kurmus a safiyar Lahadin nan.

• 15 Sun Mutu, 5 Sun Jikkata A Hatsarin Mota A Kogi – FRSC 
• Mutane 11 Sun Mutu A Hatsarin Mota A Kogi

Shaidun gani da ido da da abun ya faru suna wurin kan titin, sun ce hatsarin ya afku ne gaban sakatariyar karamar hukumar Kogi da ke Koton da misalin karfe 7:00 na safe.

Dukda an kokarin jin ta bakin hukumar kiyaye haddura ta kasa (FRSC) amma abun ya ci tura ba’a samu karin haske daga gare su ba.

Har yanzu dai ba a tantance adadin wadanda suka mutu ba, saboda har yanzu motocin da abin ya shafa na ci gaba da ci da wuta, sai dai wata majiyar ta ce sojoji sun tare hanya domin takaita zirga-zirga a titin.

Muhammad

+ postsBio

• Muhammad

  SERAP Ta Kai Gwamnatin Nijeriya Kotu Kan Zargin Badakalar Naira Biliyan 78.8
• Muhammad

  Peter Obi, Marowaci Ne Ba Zai Iya Shugabancin Nijeriya Ba – Wike
• Muhammad

  Wa’adin INEC Ya Ƙare: Ina Makomar Takarar Aminu Gwarzo A Kano Da Pantami A Gombe?
• Muhammad

  Sojoji Sun Kuɓutar Da Mutane Uku Da Aka Sace A Kebbi