Wasu ‘yan ƙunar bakin wake biyu sun tayar da bama-bamai a wurin shagalin bikin aure da ke Tashar Mararaba, kusa da hukumar kashe gobara a garin Gwoza da ke jihar Borno, inda suka kashe mutane shida da suka halarci taron auren tare da jikkata wasu da dama.
A cewar wani wanda ya tsira da ransa, ‘yar ƙunar baƙin waken ta farko tana ɗauke da jariri kuma matashiya ce, mai kimanin shekaru 20, inda ta zo kamar baƙuwa a taron auren kana ta tayar da bam din.
- Shugaban Bankin Duniya Ya Yi Tsokaci Kan Ci Gaban Tattalin Arzikin Kasar Sin
- Iyayen Yaron Da Aka Kashe A Makarantar Sojin Sama Sun Bukaci A Yi Adalci
Yayin da ake kokarin birne mutanen da suka mutu, wani dan ƙunar baƙin waken da ya yi kama da mai jimami ya tayar da bam na biyu a wurin jana’izar, inda ya kashe mutum guda.
Waɗanda suka samu raunuka tuni an garzaya da su babban asibitin Gwoza, don ba su kulawa, inda sojoji kuma suka saka dokar hana fita a Gwoza, sakamakon mummunan lamarin.
