Uwargidan shugaban kasar Sin Peng Liyuan, da Tamara Vucic, uwargidan shugaban Serbia Aleksandar Vucic, sun ziyarci kwalejin koyar da rawa ta Beijing a jiya Litinin.
Tamara Vucic ta yi wa mijinta dake ziyarar aiki a kasar Sin ne rakiya.Peng da Tamara Vucic sun kuma ziyarci dakin adana kayayyakin tarihi na kwalejin domin fahimtar tarihin raye-rayen kasar Sin.
A dakunan koyar da raye-raye kuwa, sun kalli yadda ake koyar da nau’ika daban-daban na raye rayen Sinawa.
Sun kuma kalli yadda dalibai ke raye-raye, haka kuma sun tattauna da malamai da dalibai cikin annashuwa da jin dadi.
A cewar Peng Liyuan, fasahar rawa ta zarce iyakokin kasashe, tana tattare da dabaru da al’adu, haka kuma tana taka rawa ta musammam ga harkokin musaya tsakanin jama’a da kuma koyi da juna.
Ta bayyana fatan masu fasaha daga kasashen biyu za su karfafa musaya da hadin gwiwa domin samar da kyawawan sakamako. (Mai fassara: Fa’iza Mustapha)
