Sanatocin jam’iyyar APC 22 da suke shirin sauya sheka a baya, wadanda tun farko suka yi barazanar fice wa daga jam’iyyar sun gana da Buhari.
Sanatocin bayan ganawar da suka yi da shugaban kasa Muhammadu Buhari, sun tabbatar masa da cewa ba za su bar jam’iyyar ba.
- Buhari Zai Tafi Portugal Yau Talata Don Halartar Taron Majalisar Dinkin Duniya
- Buhari Ya Rantsar Da Ariwoola A Matsayin Sabon Alkalin Alkalai Na Kasa
Sanata Orji Uzor Kalu ne ya jagoranci Sanatocin zuwa ganawa da Shugaba Buhari.
Da yake magana da manema labarai a ranar Talata bayan ganawarsu da Buhari, Kalu ya ce Sanatocin sun bayar da tabbacin ba za su fice daga APC ba.
An rawaito cewa, Sanatocin sun fusata ne sakamakon zaben fidda gwani na jam’iyyar APC, inda galibinsu suka sha kaye.
“A yau, na jagoranci Sanatoci 22 ‘yan jam’iyyar APC zuwa fadar shugaban kasa, Muhammad Buhari, GCFR. Mun gana da shugaban kasa ya kuma ya yi nasara shawo kan sanatoci na watsi da batun sauya sheka daga jam’iyyarmu,” inji Sanata Kalu.
