Sarki Sanusi II Ya Tuɓe Rawanin Mai Unguwar Rikadawa Kan Badaƙalar Fili

Sarkin Kano na 16, Muhammadu Sanusi II, ya dakatar da Mai Anguwar Rikadawa da ke karamar hukumar Madobi, Malam Rabi’u Yusuf, bisa zargin hannu a badakalar sayar da fili.

An sanar da dakatarwar ne ranar Laraba yayin wata zaman sauraro da Majalisar Masarautar Kano ta gudanar bayan koke-koken da aka gabatar gaban masarautar.

An isar da matakin ta bakin Waziri na Kano, Alhaji Sa’ad Shehu Gidado, bayan tattaunawa kan korafe-korafen da ke zargin an sayar da gonakin marigayi hakimin Madobi, Alhaji Sale Musa Kwankwaso, ba tare da izini ba.

A cewar korafe-korafen, an zargi Mai Anguwar da aka dakatar tare da wani dan marigayin hakimin Madobi, Isah Dahiru, da sayar da wasu sassan gonar ba tare da sani ko amincewar marigayin ba.

Da yake jawabi yayin zaman sauraron, wakilan Majalisar Masarautar Kano sun ce binciken farko ya nuna cewa Mai Anguwwar yana da hannu a cinikin filin da ake takaddama a kai. Sun bayyana lamarin a matsayin cin amana da kuma amfani da ikon sarauta ba ta yadda ya kamata ba.

Sulaiman

+ postsBio

• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum
• Sulaiman

  Sin Da Amurka Na Wanzar Da Mu’amala Game Da Shirin Ganawar Da Manyan Shugabannin Kasashen Biyu Za Su Yi A Bana