Bayan dogon hutun Facebook da na je, watarana na hau Telegram sai na shiga wani Group na `yan wata kasa a yankin Asiya sai na ga wasu bidiyoyi na tsiraici na Matan Hausawa, gaskiya na yi mamaki sosai.
Bayan kwana biyu sai na sake cin karo da wani ‘page’ a wani ‘Platform’ shi ma babu abin da yake dorawa sai bidiyoyi na Matan Hausawa har ma farashi yake rubutawa ga me bukatar ‘full’ wato cikakken bidiyo din.
Sai daga baya na lura kusan babu wani bidiyo da mutane suka fi nema ‘searching’ a internet irin na Matan Hausawa.
Karshe dai sai na yanke shawarar kutsawa cikin duniyar ‘UNDERWORLD’ don na yi bincike dan ka dan samu masaniya a kan ta yaya wasu bidiyoyin suke yaduwa a duniya!
`Yan uwana Mata tun da kuke kun taba Tambayar kanku shin ta yaya ake samun bidiyoyi na tsiraici na Matan Hausawa har a dora su a intanet?
Na san tunaninku bai wuce cewa wasu bidiyoyin suna fita ta hanyar yin ‘Blackmailing’ ba, ko kuma cin amanar juna ma’ana ka tura wa mutum bidiyo karshe ya ci amanarki ya sake shi kowa ya gani.
Shin ba ku taba yin tunanin ko akwai masu yaudarar `yan mata da kudi ko soyayya karshe idan sun tura musu bidiyo dinsu sai su je su siyar wa da ‘Bloggers’ ko kuma su dora a twitter ko su bude WhatsApp Group suna karbar Naira dubu daya (1k) suna tura wa mutane ba.
Wani zai iya tura miki dubu dari (100k) don ya samu bidiyo dinki shi kuma ya ringa tura wa mutane yana karbar kudi. Kin ga kin siyar da kanki a 100k.
Ko a kwanan nan akwai wani ‘case’ da ya faru ya firgitani sosai, tabbas akwai matsala. Domin ko da kai ka lalace ka da ka taba goyon bayan wasu su shiga matsala.
Don Na san duk abin da ya firgitani tabbas zai iya sumar da wasu Matan masu raunin zuciya!
Allah ya tsare mu.
