Shugabanni daga kasashen fadin duniya da ma shugabannin hukumomin kasa da kasa, sun mika sakon gaisuwar sabuwar shekara ga shugaban kasar Sin Xi Jinping, yayin da kasar ke maraba da Shekarar Doki.
Shugaban Rasha Vladimir Putin ya jinjinawa hulda mai karfi da dangantakar abota bisa manyan tsare-tsare dake tsakanin Sin da Rasha a sabon zamani cikin shekarar da ta gabata, yana bayyana muhimman ayyukan hadin gwiwa a tsakaninsu da suka da hada soke visa da musayar al’adu.
A nasa bangare, shugaban Brazil Luiz Inacio Lula da Silva ya ce a shirye kasarsa take ta ci gaba da fadada hadin gwiwa da Sin da aiki tare wajen gina al’ummar Sin da Brazil mai makoma ta bai daya domin samun duniya mai adalci da dorewa.
Haka ma shugaban Afrika ta Kudu Cyril Ramaphosa, da sarkin Saudiyya Salman bin Abdulazizi Al Saud da yariman Saudiyya kuma firaministan kasar Mohammed bin Salman da shugaban Hadaddiyar Daular Larabawa Mohamed bin Zayed Al Nahyan da sauran shugabannin duniya sun mika nasu gaisuwa da fatan alheri. (FMM)
