Dakarun Rundunar Sojin Nijeriya sun cafke wasu da ake zargin masu safarar kayayyakin ta’addanci ga ‘yan ta’adda ne, tare da kwato alburusai a wani samame da aka gudanar a Jihar Kogi, a wani ɓangare na ƙoƙarin katse hanyoyin samar da kayayyaki ga ‘yan ta’a7dda.
Rundunar 12 Birget ce ta gudanar da aikin a ranar 20 ga Afrilu, 2026, a kan hanyar Obajana zuwa Kabba a ƙaramar hukumar Lokoja. Bisa sahihin bayanan sirri, sojojin sun kafa wurin bincike na gaggawa inda suka tsayar da wata motar bas kirar Toyota da ke kan hanyarta daga Makurdi zuwa Obajana.
A wata sanarwa da Mataimakin Daraktan Hulɗa da Jama’a na rundunar 12 Birget, Laftanar Hassan Abdulahi, ya wallafa a shafin X ranar Litinin, ya ce: “Bincike mai zurfi da aka yi ya kai ga kama wasu mutane biyu da ake zargi masu safarar kayayyaki ne ga ‘yan ta’adda. An bayyana sunayensu da Mallam Zubairu Abubakar da Adamu Abubakar Abdullah.”
Sanarwar ta ƙara da cewa, sojojin sun kwato buhu ɗaya ɗauke da harsasai 314 mai tsawon 7.62mm (na musamman) da kuma kuban bindigar AK-47 guda uku da aka ɓoye a bayan kujerar direba. Sauran kayayyakin da aka samu sun haɗa da wayoyin hannu da ID card
