Rundunar ‘yan sandan Jihar Ogun ta cafke wani mutum mai suna Abiodun Oladapo mai shekaru 43 da haihuwa, wanda ya yi wa diyarsa mai shekaru 19 ciki tare da yi mata barazanar cewa zai kashe ta idan har ta tona masa asiri.
Lamarin wanda ya faru a garin Mowe da ke karamar hukumar Obafemi-Owode a jihar, ya kuma shafi wata mai suna Oluwatoyin Idowu.
- Firaministan Singapore: Shawarar “Ziri Daya Da Hanya Daya” Hanya Ce Da Kasar Sin Ke Bi Wajen Taimakawa Ci Gaban Shiyyar Ta
- Najeriya Za Ta Gina Masana`antar Samar Da Kayan Samar Da Wuta Ta Hanyar Hasken Rana
LEADERSHIP ta tattaro cewa mahaifin randy, Abiodun, yana kwana da ‘yar tasa mai shekara 19 tun watan Fabrairun 2022 lokacin da yarinyar ta fara zama da shi bayan mahaifiyarta ta rabu da shi.
Rundunar ‘yan sandan ta ce bayan gano wadda abun ya shafa tana dauke da cikin wata biyar.
Sai dai lamarin ya fusata Misis Idowu, wadda ita kuma ta kai kara ga ‘yan sanda a hedikwatar ‘yan sanda ta Mowe.
Kakakin rundunar ‘yan sandan jihar, Abimbola Oyeyemi, wanda ya tabbatar da kama Abiodun, ya ce wadda abun ya shafa ta shaidawa ‘yan sanda cewa, Michael Idowu ya fara kwana da ita a watan Disamba 2022, amma mahaifinta.
“Binciken farko da aka gudanar ya nuna cewa wanda ake zargin wanda ya dade da rabuwa da mahaifiyar wadda abun ya shafa, ya rike yarinyar ne a lokacin da mahaifiyarta ta sake yin aure kuma suna zaune tare tun daga lokacin,” in ji kakakin.
SP Oyeyemi, ya bayyana cewa kwamishinan ‘yan sanda, Frank Mba, ya bayar da umarnin mika wanda ake zargin zuwa sashen binciken manyan laifuka da leken asiri (SCIID) domin ci gaba da bincike tare da gurfanar da shi gaban kuliya.
