Ya Kuɓuta A Hannun ‘Yan Bindiga Bayan Shafe Kwanaki 8 Yana Gudu A Dajin Sokoto Da Neja

‘Yansanda a jihar Neja sun ceto mutane biyar da aka yi garkuwa da su ciki har da daya da aka yi garkuwa da su daga Sokoto a dajin Neja.

LEADERSHIP ta tattaro cewa, jami’an ‘yansanda da ke a Mararaban Dan-daudu sun ga wani Mubarak Iliya yana gudu cikin dajin, bayan da aka yi masa tambayoyi sai aka fahimci tserewa ya yi daga sansanin ‘yan bindiga wanda daga bisani aka kai shi caji ofishin ‘yansanda na Dibishin Gwada.

• Warware Basussuka: WAEC DA NECO Sun Saki Sakamakon Ɗaliban Zamfara Na Shekara Biyar
• ‘Yan Bindiga Sun Kashe Jami’an Tsaro 5 A Katsina

Hakazalika, wata tawagar jami’an tsaro ta ceto mutane hudu da lamarin ya rutsa da su; Deborah Daina, Gambo Amos, Cyprus Titus, da Satti Iko a karamar hukumar Munya a jihar Neja.

Kakakin rundunar, Wasiu Abiodun, ya ce an yi garkuwa da Ilya ne daga kauyen Gatawa tare da mahaifinsa.

Iliya da mahaifinsa dukkansu daga karamar hukumar Sabon-Birni ta jihar Sokoto. An yi garkuwa da su ne a cikin watan Afrilu, yayin da ‘yan bindigar suka mamaye kauyensu, suna ta harbe-harbe, inda daga nan ne ‘yan bindigar suka yi garkuwa da su Amma Iliya yana zargin an kashe mahaifinsa.

Ilya ya bayyanawa ‘yansanda cewa, ya tsere daga sansanin ‘yan bindigar ne bayan ya yi ta gudu a dajin har na tsawon kwanaki takwas sannan ya hadu da jami’an ‘yansanda a jihar Neja.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”