Safeeya Yusuf wadda aka fi sani da Safara’u ta bayyana yadda fitar bidiyon tsiracinta ya jefa ta cikin mawuyacin hali.
Matashiyar wadda ta taka rawar Safara’u a cikin shiri mai dogon zango na tashar Arewa24, a cewarta ta fuskanci kalubale bayan fitar bidiyon.
- Kotu Ta Sake Hana Ba Da Belin Abba Kyari
- Ambaliyar Ruwa: Gwamnatin Kano Za Ta Rushe Gine-Ginen Da Aka Yi A Hanyar Magudanan Ruwa
Safara’u a cikin wata tattaunawa da ta yi da BBC Hausa ta ce: “Yadda bidiyon tsiracina ya fita har na samu matsala da kamfanin dana ke aiki da su Arewa24 har suka kore ni.
“Mutane da yawa suna cewa madigo nake yi, watakila na turawa wata kawata ko budurwata ce ta fito da shi, wasu kuma suna cewa saurayi ne na turawa.”
Sai dai Safara’u ta musanta wannan magana na cewar wani ta turawa.
Ta ce ta fi zargin ko wani ne ya dauki wayarta ta yada bidiyon sakamakon ta kan bai wa mutane wayarta su yi amfani da ita.
Ta ce ta shiga yanayi na damuwa bayan faruwar lamarin, inda a cewarta har wata uku ta shafe ba ta fita waje.
Sai dai Safara’u wadda yanzu ta koma harkar waka, ta ce ta kan yi irin wannan bidiyon ta ajiye a wayarta don nishadi.
“Na kan yi irin wannan bidiyo na ajiye a wayata saboda jin dadi ko na wani abu daban, kuma na san kashi 70 cikin 100 na mata na yin irin wadannan bidiyo su ajiye a wayoyinsu,” a cewarta.
A baya-bayan nan wakokin Safara’u da take yi ita da wani uban gidanta da ake kira da Mista 442 sun bar baya da kura.
Mutane da yawa na ganin wakokin nata na neman bata tarbiyyar yara.
