Wasu gungun ‘yan daba sun tarwatsa taron goyon bayan muradan takarar dan takarar shugaban kasa na jam’iyyar PDP, Atiku Abubakar a Jihar Ribas.
LEADERSHIP ta tattaro cewa kungiyar karkashin jagorancin, Sanata Lee Maeba, a hedikwatar karamar hukumar Khana ta jihar, yayin da wasu ‘yan daba suka tarwatsa taron.
- Kulla Dangantaka Da Kasar Sin Domin Samun Sakamakon Moriyar Juna Cikin Sauri
- Amurka Mai Satar Mai Daga Kasar Sham
An kuma tattaro cewa kungiyar ta yi ganawar ne domin amincewa da takarar Atiku, wanda a halin yanzu ke takun saka da gwamnan Jihar Ribas, Nyesom Wike, kan zaben gwamnan Jihar Delta, Sanata Ifeanyi Okowa, a matsayin abokin takararsa.
A halin da ake ciki, gwamnatin jihar Ribas ta sake jaddada aniyarta na kame tare da gurfanar da mai duk wani gidan mai da ke siyar da man fetur da ba na gwamnati ba.
Hakan na zuwa ne kamar yadda aka ce babu wani zagon kasa da zai hana ta gurfanar da dan majalisa mai wakiltar mazabar tarayya ta Fatakwal II a majalisar wakilai, Hon. Chinyere Igwe, wanda aka kulle gidan man da ake zargin sa da aikata laifukan hada-hadar man fetur ba bisa ka’ida ba.
Shugaban ma’aikatan gidan gwamnati da ke Fatakwal, Cif Emeka Woke, wanda ya bayyana hakan a ranar Litinin a garin Mogho da ke karamar hukumar Gokana a jihar, yayin wani gangamin wayar da kan jama’a kan katin zabe da kungiyar ci gaban kasa ta shirya. Initiative (GDI).
Woke ya nanata cewa gwamnatin jihar tana da hakkin tsarin mulki na tinkarar duk wanda ke da hannu wajen yin illa ga tattalin arzikin Najeriya.
Ya ce: “Duk wanda ya bari aka yi amfani da kasuwancinsa wajen hada-hadar man fetur ba bisa ka’ida ba, za a rufe gidan man. Duk wanda ya ba wa otal dinsa damar daukar masu aikata laifuka da suka kuduri aniyar kawo cikas ga zaman lafiya, za mu yi maganinsu kamar yadda doka ta tanada.”
Shugaban ma’aikatan, wanda ya bukaci Hon. Igwe da ya mika kansa ga hukumomin tsaro domin yi masa tambayoyi, duk da haka, ya gargade shi da ya daina yaudarar jama’ar da ba su ji ba ana cin zarafinsa a siyasance.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
