Rundunar hadin gwiwa ta kasa da kasa (MNJTF) ta sanar da cewa, mayakan kungiyar Boko Haram 176 ne suka mika wuya, yayin da aka cafke wasu 57 da ake zargin suna da hannu a ayyukan ta’addanci a yankin tafkin Chad.
Kwamandan rundunar, MNJTF “Operation Lake Sanity II,” Maj.-Gen. Ibrahim Ali ya bayyana hakan a ranar Talata yayin wani taron manema labarai da aka gudanar a barikin rundunar hadin gwiwa “JTF Operation Hadin Kai” da ke unguwar Maimalari da ke Maiduguri.
- Shawarwarin Kasar Sin Sun Dace Da Bukatun Tabbatar Da Tsaron Duniya
- Gwamna Dauda Lawal Ya Jaddada Ƙudirinsa Na Tsaron Rayukan Al’ummar Zamfara
Maj.-Gen. Ali ya ce, an samu wannan nasarar ce sakamakon wani gagarumin aiki na share ragowar ‘yan ta’adda da ke yankin tafkin Chadi a ranar 23 ga Afrilu, 2023.
Kwamandan rundunar ya kuma kara da cewa, farmakin na hadin gwiwa ya hada da sojoji daga kasashen Kamaru, Chadi, da jamhuriyar Nijar wadanda suka fatattaki wasu muhimman guraren ‘yan ta’adda a yankin tafkin Chadi da suka hada da Doron Naira, Zanari, da Bagadaza.
