Ƙungiyar Gwamnoni Sun Yi Ta’aziya Kan Rasuwar Ƴan Wasan Kano 21

Ƙungiyar Gwamnonin Nijeriya (NGF) ta bayyana baƙin ciki da alhini kan mummunan haɗarin mota da ya yi ajalin wasu ‘yan wasa daga jihar Kano, yayin da suke dawowa daga gasar wasanni ta ƙasa da aka kammala a jihar Ogun.

Shugaban NGF kuma gwamnan jihar Kwara, AbdulRahman AbdulRazaq, ya fitar da wata sanarwa da ya sanya wa hannu da kansa a yau Asabar, yana mai miƙa ta’aziyyarsa ga iyalan mamatan da gwamnatin jihar Kano.

• Mutane 21 Sun Mutu A Tawagar Ƴan Wasannin Kano A Hatsarin Mota
• Ahmed Musa Ya Angwance Da Matarsa Ta 4 A Kano

“Muna miƙa ta’aziyyar ga iyalan ‘yan wasan, gwamnatin jihar Kano da kuma ɗaukacin ma’abota wasanni a faɗin kasar nan,” in ji sanarwar.

Gwamna AbdulRazaq ya ƙara da cewa: “Muna rokon Allah Maɗaukakin Sarki Ya jiƙansu da rahama, Ya kuma ba da haƙura da ƙarfin gwuiwa ga iyalansu da duk wanda abin ya shafa a wannan lokaci mai wahala.”

Abubakar Sulaiman

Website |  + postsBio

• Abubakar Sulaiman

  Duk Da Faɗuwar Farashin Ɗanyen Mai Ƴan Nijeriya Na Fama Da Tsadar Man Fetur
• Abubakar Sulaiman

  Sojoji Sun Daƙile Harin Ƴan Bindiga A Wani Ƙauyen Katsina
• Abubakar Sulaiman

  Yadda Jana’izar Ruhullah Khomeini Ta Shiga Kundin Tarihi Na Guinness
• Abubakar Sulaiman

  NIMC Ta Yi Haɗin Gwuiwa Da Ma’aikatun Gwamnati Don Faɗaɗa Rajistar NIN