Afirika Ta Kudu ta samu nasara akan abokiyar karawarta kasar Morocco da ci 2-0 a wasan zagayen sili daya kwale da aka buga a filin wasa na Laurent Poukuo dake San Pedro na kasar Cote de’Voire.
Evidence Makgoba ne ya fara zura kwallo a ragar Morocco a minti na 58 da fara wasa kafin Mokoena ya jefa ta biyu bayan alkalin wasa ya baiwa Sofyan Amrabat katin kora a minti na 93.
Hakan yasa kasar Afirika Ta Kudu ta samu damar tsallakawa zuwa mataki na kusa da na kusa da na karshe a gasar cin kofin Afirka inda za ta hadu da kasar Cape Verde a ranar 3 ga watan Fabrairu na wannan shekarar.
ADVERTISEMENT
