Kamfanonin jiragen sama na Air Peace da United Nigeria Airlines ne suka fi samun jinkirin tashin jirage a Nijeriya a watan Agusta 2026, bisa bayanan da Hukumar Kula da Jiragen Sama ta Nijeriya (NCAA) ta fitar.
Air Peace ce ta fi samun yawan jiragen da suka yi jinkiri, inda daga cikin jigilar 1,864 da kamfanin ya gudanar a watan, 1,330 suka samu jinkiri.
A matsayi na biyu, United Nigeria Airlines ta samu jinkirin jirage 943 cikin jimillar jirage 1,231 da ta gudanar a cikin watan Agusta.
Bayanan sun nuna cewa jimillar jirage 4,765 ne suka samu jinkiri a kamfanonin jiragen sama a Nijeriya a watan Agusta, lamarin da ya sake jawo hankalin jama’a kan matsalar jinkirin jirage da kuma buƙatar inganta ayyukan sufuri ta sama.
NCAA ce ke kula da harkokin jiragen sama a Nijeriya, kuma irin waɗannan bayanai na taimakawa wajen bibiyar yadda kamfanonin jiragen sama ke gudanar da ayyukansu da kuma yadda ake samun sauƙi ko ƙalubale ga fasinjoji.
