Allah Ya Yi Wa Babban Limamin Masallacin Garun Kura A Kano Rasuwa

Allah ya yi wa babban limamin masallacin Juma’a na cikin garin Garun Kura, Sheikh Imam Gwani Alaramma Ali Dan’a Lungun Liman, da ke karamar hukumar Kura a jihar Kano rasuwa.

Wata majiya da ke da kusanci da limamin ce ta shaida mana rasuwa shehun malamin.

• Da Dumi-Dumi: ‘Yan Ta’adda Sun Yi Barazanar Sace Buhari Da El-Rufai 
• ‘Yan Bindiga Sun Kashe Kansila A Adamawa

Ya rasu da sanyin safiyar ranar Lahadi, kuma za a yi jana’izzarsa da misalin karfe 2 na rana.

Tuni shugaban karamar hukumar Kura, Mustafa Abdullahi Rabiu da Dokajin Rano, Hakimin Kura, Abubakar Tijjani Abubakar suka yi alhinin rasuwar babban limamin.

‘Yan uwa da abokan arziki da almajiran shehun malamin suka shiga jimamin rashinsa, inda kowa ke masa fatan samun rahama da rabautat Ubangiji.

Dantala Nuhu Kura

+ postsBio

• Dantala Nuhu Kura

  https://hausa.leadership.ng/author/dantala-nuhu-kura/

  Yadda Ta Kacame Tsakanin Saurayi Da Uban Budurwarsa