Yayin da shugaban kasar Sin Xi Jinping ke gab da halartar taron kungiyar hadin kai ta Shanghai (SCO) ta 2026, da kuma ziyarar aiki a Kyrgyzstan, an kaddamar da ingantattun shirye-shiryen talabijin da fina finan Babban Rukunin Gidajen Rediyo da Talabijin na Sin (CMG) a birnin Bishekek na Kyrgyzstan.
A wajen bikin kaddamarwar, daraktan CMG Shen Haixiong ya gabatar da jawabi ta bidiyo, inda ya ce shirin zai taimaka wa masu kallo na Kyrgyzstan fahimtar juriyar al’adun Sinawa da ma kuzarin kasar Sin a sabon zamani.
Baya ga haka, a yau din, CMG ya kira wani taron kara wa juna sani mai taken “cikakkiyar rungumar fasahar AI” inda Shen Haixiong ya bayyana cewa, yana fatan hada hannu da dukkan bangarori wajen ci gaba da samun sabbin nasarori a kokarin gina cikakken tsarin aiki mai fasahar zamani na CMG. (Mai fassara: Fa’iza Mustapha)
