Darakta janar na hukumar jin dadin alhazai na Jihar Kano, Lamin Rabi’u Danbappa, ya roki gwamnatin tarayya da ta samar da tallafi ga aikin hajjin 2025.
Ya yi kiran ne a lokacin yake hira ta cikin wani shirin kai tsaye wato Barka da Hatsi na gidan rediyon Freedom a ranar Litinin.
- ‘Yan Bindiga Sun Yi Awon Gaba Da Shinkafar Kirsimeti A Kaduna
- Babu Sauran Burbushin ‘Yan Ta’addan Lakurawa A Arewa Maso Yamma – Ministan Tsaro
Rabi’u ya lura kan cewa matsalolin tattalin arziki da ake fama da su na daga cikin kalubalen da ke shafan rayukan mutane da dama, don haka zai yi musu wuya su samu damar zuwa sauke farali a kasar Saudiyya muddin ba saukaka kudin hajjin aka yi ba.
A cewarsa, samar da tallafi ga aikin hajjin zai yi matukar taimakawa wajen rage yawan kudin ga Musulmai ta yadda za su samu damar zuwa su sauke faralin da ke kansu.
“Bisa halin da ake ciki a kasarmu, ina kira ga gwamnatin tarayya da ta yi nazarin aiwatar da tallafi ga aikin hajji domin alfanuwan al’ummanmu Musulmai.
“Hakan zai kai ga mutane da dama su samu cika burinsu na sauke faralin ba tare da shan wahalar matsin karancin kudi ba,” don haka ne ya nemi gwamnati ta duba wannan bukatar a tsanake.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
