An gudanar da bikin sanar da wadanda suka lashe kyautar “Golden Goblet Awards” ta bikin fina-finen kasa da kasa na Shanghai karo na 28, a babban dakin wasan kwaikwayo na Shanghai a jiya Asabar.
An raba kyaututtukan “Golden Goblet Awards” karkashin sassa biyar, wato fannin babbar gasar, da sabbin mashirya fina-finai na Asiya, da fina-finan bayyana labarai, da fina-finan cartoon, da kuma gajerun fina-fine. Bikin na wannan shekarar ya yi maraba da fina-finai kusan 4,100 daga kasashe da yankunan duniya 125. Daga cikin fina-finai 49 da aka zaba a karshe, akwai 41 da aka nuna su a karo na farko a duniya, adadin da ya kai kaso 83.67%, wanda ya karu da kashi 6.12% idan aka kwatanta da na shekarar bara.
A karshe, a babbar gasar samun kyautar “Golden Goblet Awards”, fim din kasar Sin mai suna “Atlantic Rhapsody” ya lashe kyautar fim mafi kayatarwa, kuma Yassine El Idrissi, ya lashe kyautar darakta mafi kwarewa, ta fim din da ya jagoranta mai suna Halima. Bugu da kari, fim din kasar Belgium mai suna “Iluminada” ya lashe kyautar “Jury Grand Prix” ta wannan karo. (Safiyah Ma)
Discussion about this post