Bayan Shafe Shekaru 7 Yana Adawa Da Zaben Buhari, Karshe Dai Orubebe Ya Koma APC

Tsohon ministan harkokin Neja Delta, Godsday Orubebe, ya koma jam’iyyar APC mai mulki, shekaru bakwai bayan da ya yi yunkurin dakile nasarar shugaban kasa Muhammadu Buhari a matsayin shugaban Nijeriya.

LEADERSHIP ta samu rahoton cewa Buhari na shirin karbar Orubebe cikin jam’iyya mai mulki nan da ‘yan kwanaki masu zuwa.

• Tsohon Mataimakin Gwamnan Bauchi, Sule Da Sanata Jika Sun Fice Daga Jam’iyyar APC

Orubebe mai biyayya ne ga jam’iyyar PDP da kuma shugaban kasa Goodluck Jonathan, a ranar 31 ga Maris, 2015, yayin da yayi yunkurin kawo cikas a wurin tattara sakamakon zabe na Shugaban kasa wanda hukumar zabe ta kasa INEC ke gudanarwa a Abuja.

An nada Orubebe a matsayin minista na musamman a ranar 6 ga Afrilu, 2010, lokacin da Jonathan ya kafa sabuwar majalisarsa a matsayin mukaddashin shugaban kasa.

A matsayinsa na wakilin Jonathan a wurin tattara kuri’u, ya zargi shugaban INEC na lokacin, Farfesa Attahiru Jega, da hada baki da babbar jam’iyyar adawa ta APC a wancan lokacin. Amma daga baya ya nemi gafarar al’ummar kasar kan lamarin, inda ya kara da cewa ya yi nadamar aikata wannan halin.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”