Babban rukunin gidajen rediyo da talabijin na Sin wato CMG ya shirya taron tattaunawa na duniya, mai jigon “Sin a lokacin bazara” jiya Juma’a a birnin New York na kasar Amurka, kuma shugaban CMG Shen Haixiong ya gabatar da jawabi ta bidiyo.
Cikin jawabin nasa, Shen Haixiong ya ce tun farkon wannan shekara, sabon karfin samar da hajoji, da hidimomi masu karko na Sin ya samu bunkasa kwarai, kuma Sin ta ci gaba da habaka sabbin damammaki na ci gaba. A nasa bangare, CMG a shirye yake ya yi amfani da ikonsa na sadarwa ta hadakar hanyoyi ta harsuna 85, da tashoshin aikin jarida 192 dake kasashen waje, da kuma dandalin CGTN, don inganta sakamakon zamanantarwa irin na Sin, wajen samar da alheri ga duniya, da kuma raba sabbin damammaki da ake samu daga ci gaban Sin mai inganci, ga abokai na fadin duniya. (Safiyah Ma)
