Gwamnatin Tarayya ta fitar da umarnin gaggawa na biyan ma’aikatan gwamnati ragowar alawus ɗin karin albashi na wucin gadi (wage award) da ke a matsayin haƙƙin da ya rage ba a biya su ba.
Wannan mataki ya fito ne domin sauke nauyin yarjejeniyar da gwamnati ta ɗauka tare da ƙungiyoyin ƙadago, da nufin rage radadin matsin tattalin arziki da ma’aikatan ke ciki.
Kamar yadda cikakken rahoton ya tabbatar, Ma’aikatar Kudi ta Ƙasa tare da Ofishin Babban Akanta na Ƙasa sun sami umarnin fara sakin kudaden ga ma’aikatan ma’aikatu da hukumomin tarayya daban-daban ba tare da ɓata lokaci ba.
Shugabannin ƙungiyoyin ƙadago sun nuna gamsuwar su game da wannan mataki, inda suka jaddada cewa cika wannan alƙawari zai taimaka wajen kwantar da hankula da ƙara inganta tsarin aiki tsakanin ma’aikata da gwamnati.
Kazalika, gwamnatin ta tabbatar da cewa tana ci gaba da ɗaukar matakan da suka dace domin kyautata jin daɗin ma’aikata a fadin ƙasar, ciki har da tsara sabon mafi ƙarancin albashi na ƙasa baki ɗaya.
