Kamfanin Simintin Dangote Ya Raba Wa Abokan Kasuwancinsa Kyaututtuka Na Miliyan 21

Kamfanin simintin Dangote ya raba wa abokan kasuwancinsa kudi har Naira miliyan 21, ciki har da mutane uku da suka samu kyautar Naira miliyan 5 da aka gudanarwa a Fatakwal.

Mutane uku da suka samu kyautar mega, an sa musu kudaden su ne a asusun ajiyarsu, Naira miliyan 5 kowannensu a wurin taron, yayin da wasu shida kuma suka samu naira miliyan daya kowannen su.

• Gwamnatin Tarayya Ta Shiga Tsakani Kan Rikicin Da Ya Kunno Kai Tsakanin Gwamnatin Kogi Da Dangote

Da yake zantawa da manema labarai bayan kammala taron, manajan kasuwanci na yankin shiyyar Kudu-maso-Kudu, David Ademola, ya ce wadanda suka yi nasarar samun kyautar an raba su kashi uku; instant prize, da star prize sai ta karshe super Star prize.

Ya kara da cewa an shirya bada kyaututtukan ne don yaba wa abokan kasuwancin kamfanin masu aminci da mutanen da suka kasance tare da kamfanin (Dangote) tsawon shekaru.

A cewarsa, shugaban kamfanin, Aliko Dangote a kodayaushe yana kan kokarin tallafawa da karfafa abokan kasuwancin mu.

Don haka muna ganin wannan kyauta a matsayin wata hanya ta karfafa wasu daga cikin dillalan mu, abokan cinikinmu a cikin kasuwanci.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu