• English
  • Business News
Friday, August 29, 2025
Leadership Hausa
Read English News
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
Leadership Hausa
No Result
View All Result

Kikikakar Masarautar Kano Tsakanin Sanusi Da Aminu…

by Abubakar Sulaiman
1 year ago
in Manyan Labarai
0
masarautar kano
Share on FacebookShare on TwitterShare on WhatsAppTelegram

Gurbin sarki ya samu ne a masarautar Kano mai dimbin tarihi yayin da a ranar 6 ga watan Yunin 2014, Allah ya yi wa mai martaba marigayi Alhaji Ado Bayero rasuwa bayan shafe shekaru 51 yana mulki.

Bisa al’ada masu zaben sarki ne za su aike wa da gwamna jerin sunayen wadanda suka bayyana sha’awarsu ko wadanda aka ayyana, shi kuma gwamna ya zabi duk wanda ya gama dama a ciki.

Masu iya magana na cewa; rabon kwado ba ya hawa sama ko ya hau ma zai sauko. Ashe rabon tsohon gwamnan Babban Bankin Nijeriya, Malam Sanusi Lamido Sanusi ne ya zamo Sarkin Kano. Ranar 8 ga watan Yuni ne Gwamnan Kano Rabi’u Musa Kwankwaso ya zabe shi don maye gurbin marigayi Alhaji Ado Bayero, kwana biyu bayan rasuwarsa.

Ko da zamowarsa Sarki wanda dama shi ne babban burinsa na rayuwa, Sanusi Lamido ya fara gudanar da sauye-sauye a wani salon shinfida mulki dan zamani. Farawa da bukatar a kira shi da sunan Muhammadu Sanusi II, da kuma aiwatar da gyaran fadar Kano tare da yi mata ado na zamani mai kayatarwa. Haka tafiya ta tafi har sai da mulkin Gwamna Rabiu Musa Kwankwaso ya kare Abdullahi Umar Ganduje ya gaje shi.

Da farko alaka tsakanin shugabannin biyu na tafiya daidai kafin ta koma tafiyar Agwagwa. Dangantakar ta yi tsami ce tun bayan da Sarki Sanusi ya fara sukar wasu daga cikin shirye-shiryen gwamnatin Umar Ganduje kamar batun ciwo bashin biliyoyin dalar Amurka don gina jirgin kasa mai amfani da wutar lantarki.

Labarai Masu Nasaba

Gwamnan Kebbi Ya Naɗa Sanusi Mika’ilu Sami A Matsayin Sabon Sarkin Zuru 

Gwamnatin Bauchi Ta Amince Da N32,000 A Matsayin Mafi Karancin Kuɗin Fansho

Wannan suka dai ba karamin tasiri ta yi ba wajen dagula wa gwamtin Ganduje lissafi kasancewar sarkin ya yi ta ce a birnin Ikko kuma duk kasa baki daya ta gani.

Ba iya gwamnatin jiha kawai sukar Sarki Sanusi ta tsaya ba, hatta gwamnatin tarayya ma ba ta tsira ba, don haka ne makusanta Ganduje suka fara kitsa masa kawai ya yar da kwallon mangwaro ya huta da kuda. Amma Ganduje ya yi taka-tsantsan saboda abin da yake shirin yi zai shiga tarihin da ba za a taba mantawa da shi ba.

Dangantaka ta yi tsami
A kowanne rikici tabbas akwai masu amfana daga cikinsa. A wannan lokacin ‘yan gaba-gaba na jikin gwamna suke kara ruruta wutar rikicin.

Kamar yadda ya fada da bakinsa a yayin wata hira da yayi da a rediyo, suna da masaniyyar cewa sarkin yana goyon bayan jam’iyyar PDP zaben 2015, wanda bai kammala ba kuma har ya je wurin shugaban kasa yana son lallai a bai wa Abba. A cewar Ali Baba a gama lafiya mai bai wa Gwamna Abdullahi Ganduje shawara a fannin addinai.

Haka kuma a ranar wata Sallar Idi, Gwamna Ganduje ya makara amma Sarki Sanusi ya ki saurarawa ya karaso, sai a hanya gwamnan ya samu Sallar.

Daga nan, Gwamna Ganduje ya kudiri aniyar ramawa kura aniyarta, Gwamnatin Ganduje ta shirya wata sabuwar doka a karkasa masarautar Kano zuwa 5. Daga cikin sabbin da za aka kirkiro masu daraja ta daya sun hada da: Masarautar Rano da Gaya da Karaye da kuma Bichi.

A cikin dokar, za a zabi shugaban majalisar Sarakunan Kano duk bayan wani lokaci, amma Sarki Sanusi ne a matsayin na farkon shugaban majalisar, sannan kuma idan shugaban ya gaza halartar zaman majilisar sarakunan ba tare da wani dalili ba har sau uku ba, to gwamna zai iya tsige shi tare da maye gurbinsa da wani.

Masu zuga sun zuga
Duk da shi ma Gwamna Ganduje na neman hanyar da zai rama laifukan da Sarki Sanusi ya yi masa, amma magana daga bakin Ali Baba ta tabbatar da cewa “duk wani wanda yake makusancin Ganduje sai da ya ce a sauke Sarki Sanusi” ko ba komai, Rabiu Musa Kwankwanso da Sarki Sanusi za su dandana. Kenan an jefi tsuntsu biyu da dutse daya.

A ranar 21 Nuwambar 2019 ne gwamnatin Abdullahi Umar Ganduje ya yi buris da umarnin kotu na dakatar da shi daga lissafa sabbin masarautu 5 da ya kirkira a matsayin halstattu, inda ya ci gaba da mu’amalantarsu a sha’anin mulki a matsayin halastattun sarakuna.

Daga karshe dai bayan abu ya ki ci ya ki cinyewa tsakanin masarautar da Gwamnatin Kano, Gwamna Ganduje ya sauke Sarki Muhammadu Sanusi II daga kan mulki a ranar 9 ga watan Maris 2020. Abdullahi Ganduje ya bayyana cewa da ma can Sarki Sanusin ba cancanta ba, kawai dai tsohon Gwamnan Kano, Rabiu Musa Kwankwaso ne yake son bakanta wa shugaban kasa Jonathan rai, saboda ya tsige Sanusi Lamidon daga shugabancin gwamnan babban bankin kasa.

Abin murna a gidan Bayero
Bayyana sunan Aminu Ado a matsayin wanda zai zamo Sarkin Kano na 15, ya kasance wani babban abin farin ciki ga ahalin Bayero, domin bayan gadar mahaifin dan’uwansa ma Sarki Nasiru Ado ya zama sarki mai daraja ta daya a masarautar Bichi.

Komai na tafiya daidai har da lokacin zaben 2023, inda tsagin jam’iyyar NNPP suka zargi masarautar Kano da goyon bayan jam’iyyar APC mai mulki, wanda wannan ta sanya suka fara lissafin matukar suka samu damar lashe zaben za su dauki mataki kamar yadda APC ta sauke Muhammadu Sanusi II.

Bayan kurar zabe ta lafa, NNPP ta yi nasara a zabe da kuma kotu, sai Gwmanan Kano, Abba Kabir Yusuf ya ci gaba da aiwatar da manufofin gwamnatinsa ba a waiwayi maganar masarautu ba har kusan shekara guda. Amma akwai kishin-kishin na cewa gwamnan na son cire Sarki Aminu da kuma dawo da Muhammadu Sanusi II.

An yi wa Sarakunan Kano murabus
Kwatsam a ranar 23 ga watan Mayu 2024, sai aka jiyo majalisar dokoki ta Jihar Kano a arewacin NIjeriya ta amince da rushe duka masarautun jihar bayan soke sabuwar dokar da ta kirkiri sababbin masarautu a 2019. Hakan na nufin cewa an koma amfani da tsohuwar dokar da ta kafa masarautar Kano.
Kuma gwamnatin Kano ta sanar da jami’an tsaro da su hana Sarki Aminu Ado shigo wa jihar, domin tabbatar da tsaro da zaman lafiya.

Sake zama Sarkin dunƙulalliyar Kano
Bayan Shekaru 4, kimanin kwanaki 1,545 da Gwamna Ganduje ya sauke shi daga sarautar Kano a 2020, Sarki Muhammadu Sanusi II ya dawo a karo na biyu. Hakan dai ya faru ne sakamakon amincewa kudirin da ‘yan majalisar Kano suka zartar na soke dokar da ta kirkiri masarautar Kano.

A jawabinsa, Sanusi II, ya ce; Sabon Sarkin Kano Muhammadu Sanusi II, ya yaba wa Gwamna Abba Kabir Yusuf da ‘yan majalisar dokoki kan matakin da suka dauka, inda ya ce tabbas duk abin da Allah SWT ya kaddara, babu wanda ya isa ya hana shi afkuwa tun da tun farko ya tsara abinsa. Sarkin ya bayyana haka ne jim kadan bayan karbar takardar mayar da shi kan kujerar sarauta a gidan gwamnatin Kano.

Sarakuna biyu a masarauta daya
Duk da tsige shi da kuma hana shi shigowa jihar, Sarki Aminu Ado sai da ya dawo Kano a ranar Asabar 25 ga watan Mayu. Wanda kuma komawar tasa ta dumama lamarin tsaro a jihar, har ta kai ga gwamnan Kano, Abba Kabir Yusuf ya bayar da umurni ga jami’an tsaro su kama sarkin Kano na 15, Aminu Ado Bayero saboda zaman dardar a cikin jihar.

Aminu Ado Bayero tare da rakiyar wadansu magoya bayansa ya sauka a filin jirgin saman, Malam Aminu Kano da ke birnin, inda bayanai suka nuna cewa ya koma Kano ne domin ya shiga cikin gidan sarauta bisa la’akari da cewa maganar cire shi na gaban kuliya.

Sai dai gwamnatin Jihar Kano da ta samu bayanai cewa Aminu Ado Bayero zai koma Kano, sai gwamna Abba Kabir Yusuf da wadansu kusoshin gwamnati suka yi maza da misalin karfe daya na dare a ranar Juma’a suka yi wa Khalifa Muhammadu Sanusi na biyu rakiya zuwa cikin fadar Sarkin Kano.
Bayanai sun nuna cewa Sarki Muhammadu Sanusi da wadansu jami’an gwamnati a cikin fadar sarkin Kano suka kwana.

Sarki Aminu ya amince da tsige shi daga baya ya ki amincewa?
An hasko Sarki Aminu Ado a wani hoto a filin sauka da tashin jirgin Jihar Ribas lema a sauke, hakan na nufin sarki me ci ne kawai ake sanya wa lema ko ya amince da tsige shi?
A gidan rumfa kuwa wanda nan ne babbar fadar Kano take, an ga wani faifan bidiyo yana yawo a kafafen intanet, wanda yake nuna Sarki Sanusi yana korafin duk an cire kayan alatun gidan wasu kuma an lalata.
Bayan tsige Sarakunan dai, Gwamnan Kano ya ba su awanni 48 su tattara kayansu su fice daga fadarsu tare da mikata ga shugaban kananan hukumomin Kano kuma mataimakin Gwamna, Kwamared Aminu AbdulSalam, cire kayan fadar ya sanya wasu suke ganin ya amince zai fitan, amma kuma daga bisani komai ya sauya. Domin kuwa Sarki Aminu Ado shi ma ya ayyana kansa a matsayin halastaccen Sarkin Kano har ya gudanar da zaman fada a wata karamar fada da ke unguwar Nassarawa.

Umarnin kotu ya dagula lissafi
Kotuna da dama sun bayar da umarni tun da aka tsige Sarki Aminu, farko dai Sarkin Dawaki, Aminu Babba ne ya shigar da kara a gaban alkalin kotu mai shari’a Mohammed Liman da ke birnin tarayya Abuja, inda kotun ta bayar da umarnin dakatawa da cire Sarki Aminu da nada Sarki Sunusi har sai ta kammala sauraron karar da ke gabata.

Haka zalika, wata kotun Jihar Kano karkashin mai shari’a, Aisha Adamu Aliyu ta umarci kwamishinan ‘yansandan jihar da ya karbe ragamar mulki tare da fitar da sarki na 15, Aminu Ado Bayero daga fadar gidan Nassarawa da kuma hana Sarakunan Kano da Bichi da Gaya da Rano da Karaye gabatar da kansu a matsayin sarakuna har zuwa lokacin da za a kammala sauraron karar da aka shigar a gaban kotu.

Wata kotun tarayya mai zamanta a Kano ta sake bayar da umarnin a fitar da Sarki Muhammadu Sunusi II daga gidan Rumfa da ke kofar kudu, bayan da Sarki Aminu Ado ya shigar da karar rashin amincewa da cire shi a ranar Talata.

Kafin kai wa ga cire Sarki Sunusi, sai ga wani sabon umar kotun mai shari’a Amina Adamu Aliyu ta babbar kotun Kano da ke zamanta a kan titin Miller, wacce ta hana ‘yansanda da hukumar tsaro na farin kaya (SSS) da sojojin Nijeriya tsige Sarkin Kano Muhammadu Sanusi II.

Kwamacala Ta Yi Yawa Alkalin-alkalan Nijeriya Ya Fusata
Garin irin wannan tufka da warwara ce ta sanya Alkalin-alkalan Nijeriya, Mai Shari’a Olukayode Ariwoola ya aike da sammaci ga manyan alkalan babbar kotun tarayya ta Jihar Kano su gurfana gabansa, sakamakon bayar da umarni masu karo da juna.

Wannan kiranye dai za a iya cewa ya zama dole sakamakon tuni masu sharhi suka fara nuna tsoronsu da lalacewar fannin shari’a a kasa baki daya, har an fara dawowa daga rakiyar alkalai a Nijeriya.
Zuwa lokacin hada wannan rahoton dai ba a samu sakamakon ganawar alkalin alkalan da manyan alkalan biyu ba, sannan kowanne daga cikin sarakan ya ci gaba da zaman fada a inda yake, yayin da su kuma Kanawa wadanda abin bai shafa ba kai-tsaye ke ci gaba da gudanar da harkokinsu.


Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp

Tags: Aminu Ado BayeroGandujeRikicin Masarautar KanoSanusi II
ShareTweetSendShare
Previous Post

Rundunar PLA Za Ta Shiga Atisayen Hadin Gwiwa A Najeriya

Next Post

’Yan Nijeriya Ga ‘Yan Majalisa: Yunwa Ta Fi Damun Mu Ba Sauya Taken Kasa Ba

Related

Gwamnan Kebbi Ya Naɗa Sanusi Mika’ilu Sami A Matsayin Sabon Sarkin Zuru 
Manyan Labarai

Gwamnan Kebbi Ya Naɗa Sanusi Mika’ilu Sami A Matsayin Sabon Sarkin Zuru 

11 hours ago
Gwamnatin Bauchi Ta Amince Da N32,000 A Matsayin Mafi Karancin Kuɗin Fansho
Manyan Labarai

Gwamnatin Bauchi Ta Amince Da N32,000 A Matsayin Mafi Karancin Kuɗin Fansho

12 hours ago
Hukumar Shige Da Fice Ta Ƙara Kuɗin Fasfo Zuwa N100,000, N200,000
Manyan Labarai

Hukumar Shige Da Fice Ta Ƙara Kuɗin Fasfo Zuwa N100,000, N200,000

14 hours ago
Dangote Zai Gina Kamfanin Taki A Habasha Kan Dala Biliyan $2.5
Tattalin Arziki

Dangote Zai Gina Kamfanin Taki A Habasha Kan Dala Biliyan $2.5

15 hours ago
An Kama Matasa 2 Kan Nuna Makamai A Shafukan Sada Zumunta A Kano
Manyan Labarai

An Kama Matasa 2 Kan Nuna Makamai A Shafukan Sada Zumunta A Kano

17 hours ago
ADC Tana Da Damar Kayar Da Tinubu A Zaɓen 2027 – Amaechi
Manyan Labarai

ADC Tana Da Damar Kayar Da Tinubu A Zaɓen 2027 – Amaechi

21 hours ago
Next Post
Majalisar Dattawa

’Yan Nijeriya Ga ‘Yan Majalisa: Yunwa Ta Fi Damun Mu Ba Sauya Taken Kasa Ba

LABARAI MASU NASABA

Me Ya Sa Wasu Kafofin Watsa Labarun Japan Suke Kokarin Musanta Kisan Kiyashin Nanjing?

Me Ya Sa Wasu Kafofin Watsa Labarun Japan Suke Kokarin Musanta Kisan Kiyashin Nanjing?

August 28, 2025
Manyan Jami’ai A Ma’aikatar Tsaro Ta Cikin Gida Za Su Ci Gaba Da Karɓar Albashi Har Ƙarshen Rayuwa

Manyan Jami’ai A Ma’aikatar Tsaro Ta Cikin Gida Za Su Ci Gaba Da Karɓar Albashi Har Ƙarshen Rayuwa

August 28, 2025
Baki Kusan 50 Daga Kasashe 30 Na Turai Za Su Halarci Bikin Tunawa Da Nasarar Yakin Turjiyar Sinawa Kan Zaluncin Japanawa

Baki Kusan 50 Daga Kasashe 30 Na Turai Za Su Halarci Bikin Tunawa Da Nasarar Yakin Turjiyar Sinawa Kan Zaluncin Japanawa

August 28, 2025
Shugaban NPA, Dantsoho Ya Zama Mataimakin Shugaban Kungiyar Tashoshin Ruwa Ta Duniya

Shugaban NPA, Dantsoho Ya Zama Mataimakin Shugaban Kungiyar Tashoshin Ruwa Ta Duniya

August 28, 2025
An Bude Bikin Nune-Nune Na Masana’antar Manyan Bayanai Ta Big Data A Kudu Maso Yammacin Sin

An Bude Bikin Nune-Nune Na Masana’antar Manyan Bayanai Ta Big Data A Kudu Maso Yammacin Sin

August 28, 2025
AC Milan Ta Amince Da Biyan Yuro Miliyan 36 Domin Daukar Nkunku Daga Chelsea

AC Milan Ta Amince Da Biyan Yuro Miliyan 36 Domin Daukar Nkunku Daga Chelsea

August 28, 2025
Yawan Kayayyakin Da Sin Ta Shigo Da Su Daga Kasashe Masu Karancin Ci Gaba Na Afrika Ya Karu Da Kaso 10.2 Cikin Watanni 7 Da Suka Gabata

Yawan Kayayyakin Da Sin Ta Shigo Da Su Daga Kasashe Masu Karancin Ci Gaba Na Afrika Ya Karu Da Kaso 10.2 Cikin Watanni 7 Da Suka Gabata

August 28, 2025
Gwamnatin Tarayya Ta Karrama Nafisa ‘Yar Shekara 17 Da Ta Zama Lamba 1 A Gasar Turanci Ta Duniya 

Gwamnatin Tarayya Ta Karrama Nafisa ‘Yar Shekara 17 Da Ta Zama Lamba 1 A Gasar Turanci Ta Duniya 

August 28, 2025
Shugabannin Kasashe 26 Za Su Halarci Bikin Ranar Nasarar Yakin Turjiyar Sinawa A Ran 3 Ga Satumba

Shugabannin Kasashe 26 Za Su Halarci Bikin Ranar Nasarar Yakin Turjiyar Sinawa A Ran 3 Ga Satumba

August 28, 2025
Ƙungiyar Samar Da Haɗin Kai Da Zaman Lafiya Ta Arewa Ta Ƙaddamar Da Shugabanninta A Kaduna

Ƙungiyar Samar Da Haɗin Kai Da Zaman Lafiya Ta Arewa Ta Ƙaddamar Da Shugabanninta A Kaduna

August 28, 2025
Talla

© 2025 Leadership Media Group - All Right Reserved.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Gida
  • Labarai
    • Manyan Labarai
    • Kananan Labarai
    • Masarautu
    • Bakon Marubuci
    • Dausayin Musulunci
    • Daga Kasar Sin
    • Nishadi
    • Noma Da Kiwo
    • Sana’a Sa’a
    • Tambarin Dimokuradiyya
    • Taskira
    • Daga Birnin Sin
    • Ado Da Kwalliya
  • Siyasa
  • Wasanni
  • Al’adu
  • Al’ajabi
  • Labaran Kasuwanci
  • Karanta cikin Turanci

© 2025 Leadership Media Group - All Right Reserved.