Mataimakin Gwamnan Jihar Sakkwato, Manir Muhammad Dan Iya, ya karyata ficewa daga jam’iyyar PDP.
Daraktan yada labaran mataimakin gwamnan, Aminu Abdullahi Abubakar, ne ya bayyana hakan, cikin wata sanarwa da ya fitar a ranar Alhamis, inda ya shaida cewar har yanzu Dan Iya na cikin PDP daram-dam.
Abubakar, ya kara da cewa mataimakin gwamnan bai da wata masaniya kan wasikar da yada cewar ya fice daga jam’iyyar.
“Hankulanmu sun karkata kan wasika da aka yada a Sokoto da ke cewa mataimakin gwamnan jihar Sokoto, Hon. Manir Dan Iya ya yi murabus daga jam’iyyar PDP.
“Wannan ba gaskiya ba ne kuma Hon. Manir Dan Iya har yanzu cikakken mambar jam’iyyar PDP kuma ya shelanta biyayyarsa da goyon bayansa.
“Kan hakan ya nisanta kansa daga wannan batun na cirewa daga PDP.”
Idan za a iya tunawa dai a ranar Alhamis din aka yada labaran da ke cewa mataimakin gwamnan ya aike da wasika ga shugabar jam’iyyar PDP na gundumarsa inda ke shelanta mata ficewarsa daga jam’iyyar.
