Gasar wasannin motsa jiki ta mutum-mutumin inji masu siffar dan Adam ta duniya karo na biyu, wadda ke gudana a birnin Beijing daga ranar 22 zuwa 26 ga wata, ta jawo hankali sosai da kuma ra’ayoyi masu kyau daga kafofin watsa labarai daban-daban na duniya. Mutum-mutumin inji na Sin sun nuna kyawawan ayyuka a yayin gasar. Daga karya tarihin dan adam a fannin tseren mita 100, zuwa jigilar kayayyaki da kansu a asibiti da kuma ba da jagora ga marasa lafiya, wadannan mutum-mutumin inji na Sin sun yi fice a ayyuka daban-daban.
Me ya haifar da ci gaban mutum-mutumin inji masu siffar dan Adam na Sin? Masana sun yi bayani cewa, ci gaban ya samo asali ne daga tallafin manufofi masu yawa da cikakken tsarin masana’antu da masana’antu masu karfi da fa’idodi masu yawa kan farashin kayayyaki, da kuma wuraren aikace-aikace daban-daban da sauransu da Sin take da su.
A sa’i daya kuma, kafofin watsa labarai na duniya sun lura cewa Sin a ko da yaushe tana aiki a matsayin mai samar da kayayyakin jama’a na duniya, kuma tana taimaka wa kasashe masu tasowa su shiga cikin “zamani mai fasaha”.
Ka’idar kirkire-kirkiren fasaha ta Sin ita ce habaka fasaha don tabbatar da cewa sakamakon ci gaban fasahohi sun amfanar da kowa da kowa.(Safiyah Ma)
