Uwargidan shugaban kasa, Aisha Buhari, ta kwatanta nasarar Bola Tinubu na jam’iyyar APC a zaben shugaban kasa da aka kammala da cewa nufi ne na Allah.
Kamfanin Dillancin Labarai (NAN), ya ruwaito cewa Aisha Buhari ta bayyana haka ne lokacin da ta karbi bakuncin uwargidan zababben shugaban kasa Sanata Oluremi Tinubu da mai dakin zababben mataimakin shugaban kasa, Hajiya Nana Shettima, a wata ziyarar godiya da suka kai mata.
- Sauraron Ra’ayoyin Jama’a Don Neman Biyan Bukatunsu
- Sanar Da Sunan Shekarau A Matsayin Sanata A NNPP Raina Kotu Ne – Sanata Hanga
Ta ce “duk da bambance-bambance na ra’ayi, mu karbi nasarar da cewa nufi ne na Allah”.
Tun da farko Sanata Oluremi Tinubu ta fada wa mutane da suka taru cewa sun je fadar shugaban kasa ne domin gode wa mai dakin shugaba Buhari saboda irin goyon baya da ta basu wajen ganin APC ta samu nasara a zaben shugaban kasa da aka gudanar.
Zaman ya samu halartar matan wasu gwamnonin APC da kawayen matar shugaban kasar.
