PDP Ta Ba Ni Izinin Zama Minista A Gwamnatin APC – Wike

Sabon Ministan Babban Birnin Tarayya (FCT), Barista Nyesome Wike, ya yi watsi da duk wata yiwuwar sauya sheka zuwa jam’iyyar APC mai mulki, yayin da ya ce, jam’iyyarsa PDP ta ba shi damar amincewa da tayin da shugaba Bola Tinubu ya yi masa na zama minista.

Wike, wanda shi ne dan jam’iyyar adawa daya tilo a majalisar ministocin Shugaba Tinubu, ya ce, yana ministan babban birnin tarayya Abuja ne domin ci gaban dimokuradiyya da kuma mayar da birnin kan turbarsa ta asali.

• Zan Tabbatar Da Dawo Da Asalin Tsarin Abuja ‘Zan Tsaya Kan Kafafuna’, – Wike

LEADERSHIP ta rahoto cewa, shugaba Tinubu yayin kaddamar da shi kan karagar mulki, ya bayyana cewa, zai gudanar da gwamnatin hadin kan kasa ba wai lura da ‘yan jam’iyyarsa kadai ba. Zai nemo wadanda suka cancanta da mukami.

Ministan, a lokacin da yake ganawa da manema labarai na farko a matsayin minista, ya fitar da wasu ajanda guda 10 da suka fi mayar da hankali kan batutuwan tsaro, tsaftar muhalli, kiyaye tsarin babban birnin tarayya Abuja, samar da ababen more rayuwa, maido da korayen ganye a titunan birnin da toshe hanyoyin wawure kudaden shiga na birnin da sauransu.

Sulaiman

+ postsBio

• Sulaiman

  Sin Da Kasashen Afrika Sun Gudanar Da Taron Tattaunawa Mai Taken Dunkule Harkokin Ciniki Da Zuba Jari A WTO
• Sulaiman

  An Kammala Cikakken Zama Na JKS Inda Aka Amince Da Kudurin Ci Gaba Da Bin Cikakken Tsarin Shugabancin Kai Na Jam’iyyar
• Sulaiman

  An Kaddamar Da Taron Kirkire-Kirkire Da Ci Gaba Ba Tare Da Gurbata Muhalli Ba Na Ziri Daya Da Hanya Daya A HK
• Sulaiman

  Ci Gaban Sarrafa Kayayyakin Laturoni Da Na Manyan Fasahohi Ya Ingiza Ribar Da Masanaantun Kasar Sin Suka Samu