PDP Ta Ja Kunnen Tsohon Shugaban Kasa, Obasanjo Kan Dan Takararta

Jam’iyyar PDP ta bai wa tsohon shugaban kasa Olusegun Obasanjo wa’adin sa’o’i 48 da ya fayyace kalaman da aka ce shi ya yi akan dan takarar shugaban kasa kuma tsohon mataimakin shugaban kasa, Alhaji Atiku Abubakar, in ba haka ba, Jam’iyyar itama za ta fallasa shi.

Jam’iyyar PDP ta yi barazanar fadawa ‘yan Nijeriya da ma duniya baki daya wanene Obasanjo a zahiri.

• Na Yi Babban Kuskuren Zabar Atiku Mataimakina A 1999 – Obasanjo

Da yake jawabi ga manema labarai a Kaduna, shugaban kwamitin amintattu na PDP, Sanata Walid Jibrin, ya bayyana cewa shi da jam’iyyar PDP suna matukar mutunta tsohon shugaban kasar.

Jibrin ya kara da cewa, furucin zai zama abin takaici matuka idan furucin da aka alakanta ga Obasanjo wanda ya karade kusan dukkan jaridun Nijeriya ya Tabbata daga bakinsa ne.

Ya bayyana kalaman Obasanjo na cewa “ya yi kuskure wajen nada Atiku abokin takararsa” abin damuwa da takaici ne matuka.

Sulaiman

+ postsBio

• Sulaiman

  An Kaddamar Da Taron Kirkire-Kirkire Da Ci Gaba Ba Tare Da Gurbata Muhalli Ba Na Ziri Daya Da Hanya Daya A HK
• Sulaiman

  Ci Gaban Sarrafa Kayayyakin Laturoni Da Na Manyan Fasahohi Ya Ingiza Ribar Da Masanaantun Kasar Sin Suka Samu
• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)