Shin kun taba ganin yadda hamada ta zama wuri mai cike da bishiyoyi, yankuna daban daban sun hada juna a maimako warewa, kana hanyoyi sun hada juna a maimakon masu laka? Wannan ba sihiri ba ne, canji ne na gaske da aka samu a tsawon shekaru fiye da 10 da suka gabata yayin da kasar Sin take kokarin raya kanta.
Yayin da kasashen yamma suke ci gaba da bin tsohuwar hanya wajen raya kansu, inda suke fama da koma-baya a fa’idodin samun ci gaba, da karuwar gibi tsananin masu arziki da talakawa, da kuma tabarbarewar rayuwar jama’a, kasar Sin mai yawan al’umma biliyan 1.4, wadda ke kan hanyar zamanantarwa ba ta fada cikin wannan matsala ba. Kasar Sin ba ta mayar da samun bunkasa gaban komai ba, ba ta salwantar da muhallin halittu mai ni’ima ba, ba ta bar ‘yan tsirarun mutane su samu arziki, yayin da yawancin mutane ke cikin matsanancin talauci ba.
Shin kowace irin hanya mafi dacewa Sin ke bi wajen zamanantar da kanta, sabanin ta kasashen yamma? Amsar tana cikin kalmomi 5 mafi muhimmanci, wato kirkire-kirkire, da daidaitawa, da samun ci gaba ba tare da gurbata muhalli ba, da bude kofa ga ketare, da kuma raba damammaki. Wadannan su ne sabbin ra’ayoyin ci gaba da suka samarwa kasar Sin damar bin wata hanya mafi dacewa ta samun bunkasa. (Amina Xu)
Discussion about this post