Dan takarar shugaban kasa a jam’iyyar APC Sanata Bola Ahmed Tinubu, ya yaba wa gwamnonin jihohi 36 bisa samun nasara a hukuncin da kotun koli ta yanke na wa’adin daina yin amfani da tsaffin takardun kudade a kasar.
A yau laraba ne dai, kotun koli ta yanke hukuncin bayan gwamnatocin jihohin Kaduna da Zamfara da Kogi sun maka gwamnatin tarayya da CBN kan sanya ranar 10 ga watan Fabrairun 2023 za a daina amfani da tsaffin takardun Naira 200, 500 da 1,000.
ADVERTISEMENT
Tinubu, acikin sanarwar da daraktan yada labarai na kwamitin yakin neman zabensa Bayo Onanuga ya fitar, ya godewa gwamnonin bisa tsaya wa ‘yan Nijeriya da tausaya musu kan halin da suke ciki.
