A cewar hukumar kididdiga ta kasar Sin, a watanni 4 na farkon shekarar nan, darajar jimillar tallace-tallacen kayayyakin yau da kullum na al’umma ya kai kudin Sin yuan tiriliyan 16.4941, adadin da ya karu da kashi 1.9% idan aka kwatanta da shekarar da ta gabata.
Daga cikin adadin, darajar jimillar tallace-tallacen kayayyakin yau da kullum ban da motoci, ya kai kudin Sin yuan tiriliyan 15.2053, wanda ya karu da kashi 3.1%.A watanni 4 na farkon bana, darajar jimillar tallace-tallacen kayayyakin yau da kullum a birane ya kai kudin Sin yuan tiriliyan 14.2921, adadin da ya karu da kashi 1.8% idan aka kwatanta da shekarar da ta gabata, yayin da a karkara adadin ya kai kudin Sin yuan tiriliyan 2.202, adadin da karu da kashi 2.8%.
A wadannan lokuta kuma, karin darajar masana’antu masu girma ta karu da kashi 5.6% a zahiri, idan aka kwatanta da shekarar da ta gabata.
A watan Afrilu, karin darajar masana’antar hakar ma’adanai ta karu da kashi 3.8%, masana’antar kere-kere ta karu da kashi 4.0%, yayin da masana’antar samar da wutar lantarki, da zafi, da iskar gas da ruwa ta bunkasa da kashi 5.3%. (Amina Xu)
Discussion about this post