Wakilin Jaridar LEADERSHIP Ya Maka Ado Doguwa A Kotu Kan Yi Masa Mahangurba

Wakilin jaridar LEADERSHIP, Abdullahi Yakubu, ya maka shugaban masu rinjaye na majalisar wakilai ta Kano, Alhassan Doguwa a gaban kotu bisa laifin cin zarafi a yayin wani taron manema labarai a ranar Talata.

A ranar Litinin din da ta gabata, Doguwa ya yi kokarin dukan mataimakin dan takarar gwamna na jam’iyyar APC, Murtala Garo, yayin wani taron jam’iyyar da ya gudana a gidan mataimakin gwamnan jihar, Nasir Gawuna.

• Ban Yi Fada Da Dan Takarar Mataimakin Gwamnan Kano Ba – Doguwa

A ranar Talatar da ta gabata, Doguwa ya caccaki Sakataren Yada Labarai na Jihar, Ahmad Aruwa, a gidan sa tare da yin barazanar hari kan tsohon sakataren gwamnatin jihar, Rabiu Bichi.

Wata takardar koke da lauyoyin dan jaridar, Bashir Ahmad, Umar Umar da Hamisu Abdulwahab suka rubutawa babban kotun majistare, ta ce Doguwa ya bugi wanda suke karewa a kunnen sa na dama saboda yunkurin kwantar da hankalin dan majalisar (Doguwa) a wata ganawa da manema labarai.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair