Fafaroma Leo, ya mayar da martani bayan Donald Trump ya kira shi a matsayin mutum mai rauni, saboda sukar yaƙin Iran da ya yi.
Fafaroma na Katolika, ya bayyana a ranar Litinin 13 ga Afrilu cewa; ya ɗaura ɗamarar shirin ci gaba da yin tsokaci a kan wannan yaƙi, bayan shugaban Amurka Donald Trump ya soke shi kai tsaye.
- Binciken CGTN: Amfanar Da Kowa Da Kowa Shi Ne Ainihin Alherin Da Fasahohin Kwaikwayon Tunanin Bil Adama Suka Kawo
- Sin Ta Yi Kira Da A Kafa Tsarin Jagorantar Muhimman Ma’adinai Ga Sauyawa Zuwa Amfani Da Makamashi Mai Tsafta
- Gwamna Dauda Lawal Zai Gabatar Da Jawabi A Taron Ƙasa Da Ƙasa Na Jami’ar FUE Zariya
- Neman Raba-Gari Da Sauran Kasashe Zai Kawo Mummuann Tasiri Ga Bangarorin Da Abin Ya Shafa
- Kevin Kelly: AI Na Iya Taimakawa Wajen Cimma Burin “Koyar Da Dalibai Da Kwazonsu”
A cikin tsokaci kan jirgin Fafaroma zuwa Algiers, inda Fafaroma na farko na Amurka ya fara rangadin kwana 10 zuwa ƙasashen Afirka huɗu, Fafaroma ya kuma ce ana cin zarafin Kiristoci.
“Ba na son shiga muhawara da shi,” Leo ya ce; yayin da yake gaishe da ƴan jarida a cikin jirgin.
“Ba na jin cewa, ana son a ci zarafin saƙon bushara kamar yadda wasu suke yi.”
Da yake magana da wasu manema labarai, Fafaroma Leo ya ƙara da cewa, “Ba na jin tsoron gwamnatin Trump ko yin magana da babbar murya game da saƙon Linjila, wanda Cocin ke aiki dominsa.”
“Mu ba ƴan siyasa ba ne, sannan mu ba ma kallon manufofin ƙasashen waje ta irin yadda za su kasance,” in ji Paparoma, ya ƙara da cewa; “Zan ci gaba da amfani da kakkausar murya a kan wannan yaƙi tare da neman inganta zaman lafiya da tattaunawa da kuma haɗin kai a tsakanin ƙasashe, domin nemo hanyoyin warware matsaloli.”
“Mutane da dama na shan wahala a duniya a yau,” in ji Leo. “Ana kashe mutane da yawa waɗanda ba su ji ba, ba su gani ba. Don haka, ina ganin ya zama wajibi mu yi magana.”
Leo, wanda ɗan asalin Chicago ne, ya fito a matsayin mai sukar yaƙin Amurka da Isra’ila kan Iran a makwannin baya-bayan nan, sannan kuma ya yi tir da yaƙin a wani roƙon zaman lafiya da aka yi ranar Asabar.
Trump, a wani martani da ya fito fili ga sukar Fafaroman game da rikice-rikice da kuma manufofin shige da fice na fadar White House, ya faɗa a yammacin ranar Lahadi cewa, Leo ya haɗari ne.
“Fafaroma Leo yana da rauni a kan laifuka, sannan kuma yana da haɗari ga manufofin ƙasashen waje,” Trump ya rubuta a cikin wani saƙo da aka wallafa a kafafen sadarwa.
