Yanzu-yanzu: Tinubu Ya Gana Da Jonathan, Ya Nemi Ya Mara Masa Baya

Dan takarar shugaban kasa na jam’iyyar APC, Asiwaju Bola Ahmed Tinubu, a ranar Talatar nan cikin dare ya ziyarci tsohon Shugaban Kasa Goodluck Jonathan a gidansa da ke gundumar Maitama a Abuja.

• Mun Gano Akwai Sa Hannun Masallatai Da Coci-coci Wajen Fasa Bututun Mai – Kyari

An ce ganawar dai na daga wani bangare na tuntubar masu ruwa da tsaki da neman shawarwari da Tinubun ke yi bisa rakiyar abokin takararsa Sanata Kashim Shettima da wasu Gwamnonin APC guda biyar, inda suka nemi goyon bayan tsohon shugaban kan zaben 2023 da ke tafe.

Kazalika dan takarar na amfani da irin wannan ziyarar wajen neman hanyoyin da zai tafiyar da kasar nan idan ya samu nasara a zaben 2023 da ke tafe.

Zuwa yanzu dai cikakken bayanin ganawar ta su bai fito fili ba.