Zaben Atiku: Muna Jan Kunnen Buhari Da APC Kan Matsalolin NDDC – Samarin APC A Neja-Delta

Kwanaki kadan bayan tsohon mataimakin Shugaban kasa Atiku Abubakar ya lashe Tikitin takarar Shugaban kasa a zaben fidda gwani a Jam’iyyar PDP, wata kungiyar ‘ya’yan jam’iyyar APC a yankin Neja-Delta, sun koka kan yadda aka yi wa Jam’iyyar zagon kasa a yankin ta yin amfani da hukumar kula da Yankin (NDDC).

A cikin wata wasika da kungiyar mai kishin APC a yankin Neja-Delta ta aika wa shugaba Buhari da shugabannin jam’iyyar APC ta kasa, wacce wasikar ta samu sa hannun Ebibomo Akpoebide da Menegbo Nwinuamene da Itam Edem, ta yi gargadin cewa “Babu yadda APC za ta iya cin zabe a yankin Neja-Delta” sai dai in an gyara kura-kurai a NDDC kuma an kaddamar da hukumar NDDC bisa ga dokar da ta kafa Hukumar.

• Da Diminsa: PDP Za Ta Sake Sabon Zaben Fidda Gwani Na Gwamnan Bauchi

A cewar kungiyar, “Cif Akpabio tsohon gwamnan jihar Akwa Ibom sau biyu kuma Sanata har zuwa 2018 a karkashin jam’iyyar PDP, ya zo jam’iyyar APC ne don ruguza jam’iyyar. Ya mayar da jam’iyyar koma baya ta fuskoki da dama amma muna fatan da hadin gwiwar masu ruwa da tsaki za mu iya dawo da martabarta kafin babban zabe mai zuwa. ”

Da yake kira ga shugaba Buhari da shugabannin jam’iyyar APC da su gyara matsalolin da Cif Akpabio ya aikata tare da gyara barnar da jam’iyyar APC ta yi a yankin, ya kara da cewa “a halin da ake ciki, APC ba za ta iya cin zabe a yankin ba  har sai an gyara wadannan kura-kuran.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi