Ƴan bindiga sun kashe Uwargida Mary Jonathan tare da ɗanta, Mark Jonathan, a kan titin Zaria da ke ƙaramar hukumar Jos ta Arewa a Jihar Filato.
Wannan mummunan al’amari dai da ya shafi iyalan Rt. Hon. Yusuf Gagdi, ɗan Majalisar Wakilai mai wakiltar Pankshin, da Kanke, da Kanam, wanda ya tabbatar da cewa mamatan su ne mahaifiyar matarsa da kuma ɗan’uwanta.
- An Kashe Mutane 5 A Wani Sabon Hari A Filato
- Atiku Ya Nada Dino Melaye Da Daniel Bwala A Matsayin Masu Magana da Yawunsa
Duk da cewa cikakkun bayanai kan harin basu fito fili ba, an rahoto cewa an kashe su kusa da yankin Mista Ali. An yi bikin binne su a jiya Asabar a gidansu da ke Jos, inda Hon. Gagdi da matarsa, Jemimah, suka halarta.
Yayin da yake bayyana tashin hankalinsa kan wannan kisan gilla, Gagdi ya bayyana rashin uwa da ƙanninsa da zai kasance babbar gibi. Ya yi kira ga hukumomi da su tabbatar da ganin an gurfanar da waɗanda suka aikata wannan ta’asa.
“Ku huta lafiya, Mama da Brother Mark,”
in ji shi, yana mai addu’a Allah ya bayyana masu hannu a wannan aika-aika.
