Ɗan Majalisar Kano Mai Wakiltar Mazaɓar Gwamna Yusuf Ya Koma NDC

Ɗan Majalisar Dokokin Jihar Kano mai wakiltar mazaɓar Gwale, Abdulmajid Isa Umar Mai Rigar Fata, ya sauya sheƙa daga jam’iyyar APC zuwa jam’iyyar NDC. Ɗan majalisar na wakiltar Ƙaramar Hukumar Gwale, inda Gwamna Abba Kabir Yusuf ya fito.

Daga bisani, tsohon gwamnan Jihar Kano kuma jagoran NDC, Sanata Rabiu Musa Kwankwaso, ya karɓe shi tare da sauran masu sauya sheƙar a gidansa da ke Maitama a Abuja ranar Alhamis. Bugu da ƙari, Kwankwaso ya bayyana sauya sheƙar a matsayin ƙarin ƙarfi ga jam’iyyar a matakin ƙasa a Kano.

Mai Rigar Fata ya fara lashe kujerar ne a 2023 ƙarƙashin jam’iyyar NNPP ta Kwankwaso kafin daga baya ya bi sahun Gwamna Abba Kabir Yusuf zuwa APC. Sai dai sauya sheƙarsa na zuwa ne bayan ya kasa samun tikitin APC domin sake komawa majalisar.

Daga cikin waɗanda suka koma NDC akwai tsohon mataimakin shugaban Ƙaramar Hukumar Gwale, Kabiru Sani Auwal Obi, da Malam Mahadi Isa Umar. Haka kuma, matakin ya biyo bayan hukuncin Babbar Kotun Tarayya da ya buɗe ƙofar sauya sheƙa, yayin da kakakin jam’iyyar ADC, Bolaji Abdullahi, ya ce ana sa ran za a samu ficewar mutane da yawa daga APC.

Abubakar Sulaiman

Website |  + postsBio

• Abubakar Sulaiman

  Ƴan Bindiga Sun Kashe Mutane 2, Sun Yi Garkuwa Da 30 A Kogi
• Abubakar Sulaiman

  Gwamnatina Za Ta Mayar Da Hankali Kan Buƙatun Al’ummar Nasarawa – Wadada
• Abubakar Sulaiman

  Ƴan Bindiga Sun Kai Hari Masallaci, Sun Kashe Wani Yaro A Kaduna
• Abubakar Sulaiman

  Babachir Lawal Ya Fice Daga ADC, Ya Zargi Atiku Da Murɗe Zaben Fidda Gwani