Sabon Shugaban da zai jagoranci Tashoshin Jiragen Ruwa da ɓangaren iyakoki a Tashar Jiragen Ruwa ta Onne da ke a Kudu Maso Kudu da kuma Kudu Maso Gabas Celestine Udenwa, ya fara kai zirarar aiki, ga manyan masu ruwa da tsaki da ke a ɓangaren Sufurin Jiragen Ruwa.
Wannan ziyarar ta san a zuwa ne, yayin da Hukumar Kula da Ingancin Kayan da Ake Sarrafawa a cikin ƙasar wato SON ke ƙoƙarin ƙarfafa ayyukan da ake gudanarwa a Tashoshin Jiragen Ruwa na ƙasar nan da ƙara ƙulla haɗaka a tsakanin hukumomin gwamnati domin a ƙara ƙarfafa sanya ido, kan ayyukan da ake gudanarwa a ɓangaren sufurin Jiragen Ruwan ƙasar.
- NPA Ta Samar Da Hanyoyi Masu Sauki Na Fitar Da Kayayyaki Kasashen Waje
- Fasahar Electronic Call-up Da NPA Ta Wanzar Ta Samar Da Sauki —Tsohon Kwaminsihan Sufuri
Kazalika, zirar ta Celestine Udenwa, ana gudanar da ita ne, a ƙarƙashin tawagar Hukumar ta SON, wadda kuma ta haɗa da, da ofishin Hukumar daƙile fasa ƙwaurin kaya wato Kwastam da na runda na ta biyu, da ke a Tashar ta Onne.
A ziyarar da aka tawagar ta kai ga rundunar ta ta biyu ta Hukumar Kwastam wasu daga cikin manyan jami’an hukumar ta Kwastam a ƙarƙashin jagorancin Kwantirolan rundunar A. M. Alƙali ne, suka tarbi tawagar ta SON.
Kazalika, a ɓangaren tawagar Hukumar SON Injiniya Celestine Udenwa ne, ya jagoranci tawagar, wadda ta haɗa da Dakta Papaa Johnson Pongiri, Dakta Johnson C. Obiaga, da kuma wasu manyan jami’an gudanawa na Hukumar.
A jawabinsa a lokacin ziyarar Dakta Papaa Johnson ya bayyana cewa, ziyarar na zuwa ne, biyo bayan sauyin shugabanci da aka gudanar a Hukumar ta SON, da ke gudanar da ayyukanta na sanya ido a Onne.
Ya ƙara da cewa, manufar ziyarar shi ne, domin a ƙara ƙarfafa haɗaka a tsakanin sauran hukumomin gwamnatin, domin a samu damar ci gaba da sanya ido.
Shi ma a na sa jawabin Injiya Udenwa, ya bayyana godiyarsa ga Darakta Janar na Hukumar ta SON Dakta Ifeanyi Chukwunonso Okeke, musamman kan aminta da ya yi da shi nay a jagoranci Tashar ta Onne da ke a Kudu Maso Kudu da da Kudu Maso Gabas.
Kazalika, ya godewa Kwantiroa Alƙali, kan tarbar girmamawar da yayiwa tawagar.
Ya kuma jaddada mahimmancin haɗaka da sauran masu ruwa da tsaki da kuma ƙara jadda goyon baya ga Hukumar ta SON domin ta sauke nauyin da aka ɗora mata na ganin ana sarrafa kaya masu ingnaci a cikin ƙasar nan.
