Yadda Allah (SWT) ya halicci dan’adam, kashi 60 cikin 100 na jikin namiji; ruwa ne zalla, inda mace kuma kashi 55 cikin 100 na jikinta shi ma ruwa ne.  Don haka, wannan yana nuna cewa; fiye da rabin jikin dan’adam ruwa ne, saboda haka; da zarar an ce babu wannan ruwa a tare da mu, kenan babu rai ko kuma rayuwa kwata-kwata.  Har ila yau, shan ruwa na da matukar amfani tare da mutane, domin kuwa a kullum ruwa na fita daga jikinmu, musamman idan muka je yin fitsari ko bayan gida ko yin zufa, kai har ma yayin da muke yin numfashi.  Kazalika, ana bukatar da namiji ya sha ruwa akalla kimanin lita 3.7 a kullum, mata kuma su sha lita 2.7 a kowace rana. A nan, ana auna yawan ruwan da mutum yake sha ne, wanda ya hada da shayi ko lemo ko kuma jus da sauran makamantansu.  Idan kuma zallan ruwan mutum zai sha kamar ‘Pure Water’, ana so namiji ya sha kamar leda bakwai da rabi, mace ita kuma ta sha kamar leda biyar da rabi.  Amma a nan, ana magana ne a kan lafiyayyu, wadanda kuma ba su da cikakkiyar lafiya, kamar masu ciwon zuciya ko koda, bai kamata su sha wannan adadi ba.  Har ila yau, rashin yawan shan ruwa yadda ya kamata; zai iya jawo wa mutum illoli daban daban. Na farko, rashin shan ruwa a-kai-a-kai zai iya haddasa wa mutum kamuwa da cutar sanyin fitsari (Urinary track infection).  Na biyu kuma, zai iya haddasa wa mutum cutar tsakuwar koda (Kidney stones), a nan wasu abubuwa ne ke dunkulewa su ki fita, sai su zama kamar dutse, wanda hakan ke sanya wa mutum ya rika yin ciwon ciki mai zafi tare da yin fitsarin jini da sauran makamatantan wasu matsaloli da dama.  Na uku kuma, rashin yawan shan ruwa na iya jawo rashin iya yin bayan gida, wanda hakan kan kawo matsalar basir da sauran makamantansu, sakamakon sakaci da yawan shan ruwa.  Don haka, ya zama wajibi mu kula da shan shan ruwa a-kai-a-kai yadda kuma ya kamata, domin kaucewa haduwa da ire-iren wadannan cututtuka, kamar yadda a koda-yaushe likitoci suke kokarin fadakarwa tare da jan hankalinmu.  Lafiya uwar jiki, babu mai fushi da ke, sannan idan kunne ya ji; Hausawa suka ce, wai gangar jiki ta tsira. Don haka, a daure a kula sosai da shan ruwa, saboda irin matukar amfanin da yake da shi.     

Ƙungiyar Yaqin Neman Zaben Shugaban Kasa ta Makinde-Daura (MDPCO), ta bayyana qaddamar da yaqin neman zaven Shugaba Bola Ahmed Tinubu...

dan takarar mataimakin shugaban kasa na jam'iyyar NDC, kuma tsohon Gwamnan Jihar Kano, Sanata Rabiu Musa Kwankwaso, ya bayyana aniyarsa ta sulhuntawa da Gwamna Abba Kabir Yusuf.  A cewar kamfanin dillancin labarai na Nijeriya (NAN), Kwankwaso ya bayyana hakan ne a wata hira da da ya yi da sashen Hausa na BBC da aka wallafa a ranar Lahadin da ta gabata, inda ya yi tsokaci a kan batutuwan da suka shafi rashin jituwa tsakaninsa da gwamnan na Kano.  Gwamna Yusuf, wanda ya lashe zaben 2023 a karkashin jam'iyyar NNPP, a da ya kasance mai matukar biyayya da goyon bayan tafiyar Kwankwasiyya, wato kungiyar magoya bayan Kwankwaso.  Sai dai, dangantakar tasu ta samu tangarda bayan da gwamnan ya sauya sheka zuwa jam'iyyar APC, inda ya shiga bisa jagorancin tsohon Gwamnan Kano, Dakta Abdullahi Ganduje, wanda ake kallon sa a matsayin babban abokin hamayyar siyasar Kwankwaso a jihar.  A yayin hirar da BBC ta yi da shi, Kwankwaso ya ce; har yanzu yana matukar kaunar Gwamna Yusuf, kuma yana iya sulhuntawa da shi, idan har shi ma yana da bukatar hakan.  "Ban yi watsi da shi ba, ban ce ya tafi ko kuma na kore shi ba; har yanzu ina son sa," in ji shi.  Kwankwaso ya kara da cewa, shi ba mutum ne mai daukar fansa ba, sannan kuma a kodayaushe, yana yafe wa wadanda suka yi masa laifi.  Har ila yau, ya ce; ya yafe wa Ganduje, duk da irin munanan abubuwan da ya yi masa a baya.  "Sau nawa muka samu sabani da Ganduje?  Ya kalubalance ni a lokuta daban-daban.  "A shekarar 2007, lokacin da muke Ma'aikatar Tsaro, shi ne mataimakina na musamman, amma sun yi tarurruka domin ganin bayana, saboda na kalubalance su.  "Duk da wadannan matsaloli, a haka na tsayar da Ganduje kuma na goyi bayansa, amma a karshe ya butulce min," in ji Kwankwaso.  Shugaba a jam’iyyar ta NDC ya ce, ba ya tilasta wa mutane ko fada musu abin da za su yi, inda ya kara da cewa; har yanzu yana cikin harkokin siyasa, sannan kuma ba irin 'yan siyasar da ke zama a gefe suna kallon abubuwa kawai ba ne.  “Ni ba Allah ba ne. Saboda haka, idan Abba Kabir Yusuf ko wani daban yana son shigowa, dole ne ya kasance mai hakuri, mai faffadan tunani da tausayi, domin ba kowa ne zai bi tsarin da kake so ba.  “Ba za ka yi tsammanin cewa, sai kowa ya yi aiki ko ya nuna hali ko kuma ya yi tunani kamar yadda kake yi ko kake so ba, domin kowane mutum yana da nasa salon tunanin, shekaru, asali da kuma matakin ilimi.  “Don haka, da a ce ba ni da hali na yin afuwa, da ba mu tsayar da Ganduje takara ba; haka ma lamarin yake ga Abba Yusuf.  “Ba ma karbar ko sisi daga wurinsu, domin ba su goyon bayanmu ko tikitin takara; sannan kuma ba ma sayar da takararmu,” in ji Kwankwaso.  Bayan wadannan furuci na Kwankwaso ne, sai aka jiyo gwamnatin Jihar Kano, na bayyana cewa; kofarta a bude take, domin yin sulhu da Kwankwason, wanda hakan ya bayar da dama ko bude kofar cece-kuce a tsakanin al’umma, musamman wadanda tun a farko rikicin na Kwankwaso da Abba, suke kallon al’amarin a matsayin wani sabon salon wasan kwaikwayo.  Domin kuwa a ganinsu, shugabannin biyu (Kwankwaso da Abba), bakinsu hade yake, illa kawai suna yawo da hankalin mabiyansu ne, don cimma wasu burikansu na siyasa.  Idan aka yi la’akari da wannan hira da Kwankwaso ya yi da kuma yadda Gwamnatin Jihar Kanon ta yi saurin mayar da martini, za a iya tabbatar da cewa; lallai Biri yana kama   da mutum, kamar yadda mutane suka yi zargi suke kuma ci gaba da fadin albarkacin bakinsu. ...

Ko Kun San Amfanin Kwanciya Da Bangaren Hagu?

2027:Mata Shida Da Ke Takarar Neman Shugabancin Nijeriya

Rigimar iyali tsakanin wani attajirin mai, Mohammed Indimi da ƴaƴansa mata biyu game da rabon hannun jari a kamfaninsa ‘Oriental...

Shan taba sigari da dangoginta, waɗanda suka haɗa da irin su tabar wiwi, shisha, ɓape da sauran makamantansu, na da...

Kamar gwamnatocin baya, Gwamnatin Jihar Kano, ƙarƙashin jagorancin Gwamna Abba Kabir Yusuf, ta rungumi al’adar nan ta auren gata, wadda...

Sabon tsarin albashin da Shugaba Bola Ahmed Tinubu ya amince da shi kwanan nan ga ma'aikatan rundunar soji, zai ɗaga...

Mutane kan yi tambaya a kan abin da ke haifar da matsalar fitsari mai kumfa. Kafin sanin dalilin, ya kamata...